Aswan Faculty of Engineering Forum منتدى طلبة كلية هندسة أسوان
عزيزى الزائر أنت غير مشترك بمنتدى طلبة كلية هندسة أسوان يمكنك الآن الإشتراك للتمتع بمزيد من خصائص المنتدى المتوفره لدينا أو تسجيل الدخول عن طريق الأزرار التاليه...
عدد المشاركات: 5014 العمر: 23 المكان: سرى الوظيفه/الفرقه: سرى الهواية: سرى رقم العضوية: 10 النقاط: 7408 التقييم: 56 تاريخ التسجيل: 25/06/2007 Upload Photos:
موضوع: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الأربعاء مارس 25, 2009 7:47 pm
كنت بفكر أنزل الموضوع دة من بدرى
_ ودلوقتى حان الوقت _
لو انت في حاسبات أو اتصالات او باور أكيد درست لغات برمجة كتيييير جداااا ولو انت في قسم اخر أكيد خدت كورسات لأى لغة برمجة
وللأسف ان دراسة لغات البرمجة في كليتنا مش بتوضح لنا مين اللغة الأفضل ومين اللى حنطور نفسنا فيها
ومين اللى حنستخدمها على طوول _ لان الكورسات دائماً بتوضح لنا فرق ال Syntax فقط بين اللغات
هنا اللوب ازاى ولا الشرط ازاى _ والكلاسات بتتعمل هنا ازاى وكدةة _
لكن الفرق الجوهرى مفييش أو احنا مش بنحس به في الدراسة
_ تعالوا نناقش لغات البرمجة اللى درسناها واللى مادرسناهاش واللى يعرف أى حاجة عن لغة معينة يقولها والباقي يستفيد _
وكمان ممكن نوصل للغة برمجة موحدة فيها كل المميزات اللى نقدر نشوفها في أى لغة أخرى _
والإستخدامات في أى مجال _ وأيضاً من ناحية السهولة _ والصعوبة _ ،،،
يالا نناقش لغات البرمجة بشكل متطور ونوصل لأعلى مستوى في الحوار _
فهو حوار بين الأعلى فكراً وهم مطورى الحاسوب ومبرمجين المستقبل
في انتظار أرائكم عشان نيتدى حوار قوى جداااااااااا
وبيقولوا ان المبرمجين الزهايمر عندهم بيتأخررررر لان مخهم بيتعب أصلااا كدة كدة بسررعة
لو لم أكن مصرياً لوددت أن أكون مهندساً
PRINCESS مشرف عام على الأقسام ومشرفة قسم إسلاميــات وكورسات هندسيه
عدد المشاركات: 2439 العمر: 22 الوظيفه/الفرقه: خريجة حاسبات طازة ^_^ رقم العضوية: 19 النقاط: 4775 التقييم: 10 تاريخ التسجيل: 28/06/2007 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الأربعاء مارس 25, 2009 11:59 pm
حلو حلو الموضوع انا رأيي ان الواحد لو عايز يتوسع في لغة برمجة يبقي الجافا احسن حاجة بالنسبة له .. لأن مجالاتها كتييييييير جدا بصراحة وبتشتغل علي اي جهاز وبرمجة الويب فيها تقدر تتعلمها بسهولة يعني برامج عادية وبرامج ويب وبرامج موبايل وحاجات كتيييييير وكمان معظم الناس في العالم بيشتغلوا بيها فالبحث عن اي برنامج او برمجة جزء معين هتلاقيه بسهولة في النت غالبا
نيجي للي بعدها في السهولة وهي السي شارب وهي تعتبر الجافا بتاعة ميكروسوفت استخدامها سهل وكمان مواضيعها متوفرة في النت وتقدر تلاقي اللي بتدور عليه بسهولة لكن انا رأيي ان مشكلتها في ان البرامج اللي بنعملها بيها بتبقي تقيلة نوعا ما وكمان مشكلة برمجة الويب وان البرامج ساعتها مش هتشتغل غير علي الويندوز وكمان لما البرامج تبقي صغيرة وتبقي محتاجة الفريم وورك وحجمه فوق ال16 ميجا عشان تقدر تشغل برنامج 1 ميجا مثلا
وبعد الجافا والسي شارب تيجي السي بلس بلس اللي انا مش بحبها .. بس معظم الناس بتحبها وبتحب تشتغل بيها لأنهم متعودين عليها .. ولأن امكانياتها واسعة وتطبيقاتها كبيرة لكن مشكلتها .. في صعوبتها النسبية .. وانها عايزة حد يحترفها عشان يقدر يعمل تطبيقات كبيرة او تطبيقات ويب او العاب مثلا
واخيرا الفجوال بيزك وانا رأيي انه اسهل واحد في لغات البرمجة ويقدر اي حد يتعلمه بسهولة في أول مشواره في البرمجة ويسهل عليه كتييير في الانتقال للبرمجة بالسي شارب واللي يحترف الفجوال بيزك .. يقدر يوصل بمستواه لمراحل عالية جدا لكن ما اعرفش هل في امكانية عمل تطبيقات ويب او موبايل بيه ولا لأ
وخلاصة رأيي اني بفضل البرمجة بالجافا لو البرنامج كبير
وبالسي شارب لو ضامنة ان اللي هيستخدمه عنده الدوت نت فريم وورك ولما يكون الجي يو اي فيه كتير
وبعد كده الفجوال بيزك
وبعد كده اي لغة برمجة حتي لو ما اعرفهاش واستحالة افكر ابرمج بالسي بلس بلس إلا برامج الكلية المطلوبة مني
يـا الله …. كــم أشتاق لرؤياك ولـكــنــي مــازلـت أعـــصـاك فنقني وطهرني قبل أن الــــقاك
Terminator مشرف قسم هندسة القوى والآلات وحول العالم
عدد المشاركات: 1194 العمر: 21 المكان: In a Transformer الوظيفه/الفرقه: 3rd Year Power الهواية: Hi Technology رقم العضوية: 614 النقاط: 2699 التقييم: 19 تاريخ التسجيل: 22/02/2008 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الخميس مارس 26, 2009 1:07 am
موضوع جميل جدا يا يحيى باشا
انا شخصيا بحب الفيجوال بيزك جدا لانه سهل
و عشان هوه اول لغة برمجة اتعاملت معاها
لكن مشكلته انه تطبيقاته بره قليلة جدا و مبيستخدمش فى GUI كتير
لكن انا نفسى احترف ++C لانها بتشتغل على جميع انظمة التشغيل الموجودة
سواء Linux او windows و ده اللى مخلينى احبها اكتر
لانى بحب انتقل بين انظمة التشغيل كتير و بحب Linux اكثر
بس مشكلة التعامل مع Linux انه محتاج حد محترف ++C
اما عن تطبيقاتها فى الشغل بره و خصوصا فى مجال باور كتيرة
و ده ميمنعش ان فى مجال باور بتحتاج للجافا كثير عشان GUI
ابحث في بلدك الثاني .. الإجابة في بلدك الثاني .. ليس البلد الذي أخرجتك فيه أمك للحياة باكياً عارياً .. ابحث بين قومك الآخرين .. ليسوا هؤلاء الذين نشأت معهم ولهوت معهم .. ...ابحث في وجوهٍ أخرى ليست كالوجوه التي ألفتها .. ابحث في قلوبٍ أخرى تجهل عنها كل شئ ..
قد لا أجد من يفهمني أبدآ وقد أجد من يفهمني لكن حتى ذاك الوقت سأبقى هنا في مملكتي أنتظر بعيدآ عن كل البشر علّي ان أجد نفسي كما أحب أن أكون أنا وليس كما يحب باقي البشر أن أكون **************
الـلهُـم أنـى أسـالـُكَ الأُنـسَ بـقـربـك ,,,, اللهم أمين
عدد المشاركات: 5014 العمر: 23 المكان: سرى الوظيفه/الفرقه: سرى الهواية: سرى رقم العضوية: 10 النقاط: 7408 التقييم: 56 تاريخ التسجيل: 25/06/2007 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى السبت مارس 28, 2009 10:07 am
PRINCESS كتب:
حلو حلو الموضوع انا رأيي ان الواحد لو عايز يتوسع في لغة برمجة يبقي الجافا احسن حاجة بالنسبة له .. لأن مجالاتها كتييييييير جدا بصراحة وبتشتغل علي اي جهاز وبرمجة الويب فيها تقدر تتعلمها بسهولة يعني برامج عادية وبرامج ويب وبرامج موبايل وحاجات كتيييييير وكمان معظم الناس في العالم بيشتغلوا بيها فالبحث عن اي برنامج او برمجة جزء معين هتلاقيه بسهولة في النت غالبا
نيجي للي بعدها في السهولة وهي السي شارب وهي تعتبر الجافا بتاعة ميكروسوفت استخدامها سهل وكمان مواضيعها متوفرة في النت وتقدر تلاقي اللي بتدور عليه بسهولة لكن انا رأيي ان مشكلتها في ان البرامج اللي بنعملها بيها بتبقي تقيلة نوعا ما وكمان مشكلة برمجة الويب وان البرامج ساعتها مش هتشتغل غير علي الويندوز وكمان لما البرامج تبقي صغيرة وتبقي محتاجة الفريم وورك وحجمه فوق ال16 ميجا عشان تقدر تشغل برنامج 1 ميجا مثلا
وبعد الجافا والسي شارب تيجي السي بلس بلس اللي انا مش بحبها .. بس معظم الناس بتحبها وبتحب تشتغل بيها لأنهم متعودين عليها .. ولأن امكانياتها واسعة وتطبيقاتها كبيرة لكن مشكلتها .. في صعوبتها النسبية .. وانها عايزة حد يحترفها عشان يقدر يعمل تطبيقات كبيرة او تطبيقات ويب او العاب مثلا
واخيرا الفجوال بيزك وانا رأيي انه اسهل واحد في لغات البرمجة ويقدر اي حد يتعلمه بسهولة في أول مشواره في البرمجة ويسهل عليه كتييير في الانتقال للبرمجة بالسي شارب واللي يحترف الفجوال بيزك .. يقدر يوصل بمستواه لمراحل عالية جدا لكن ما اعرفش هل في امكانية عمل تطبيقات ويب او موبايل بيه ولا لأ
وخلاصة رأيي اني بفضل البرمجة بالجافا لو البرنامج كبير
وبالسي شارب لو ضامنة ان اللي هيستخدمه عنده الدوت نت فريم وورك ولما يكون الجي يو اي فيه كتير
وبعد كده الفجوال بيزك
وبعد كده اي لغة برمجة حتي لو ما اعرفهاش واستحالة افكر ابرمج بالسي بلس بلس إلا برامج الكلية المطلوبة مني
شكراااااا برنسيس صاحبة أول رد في الموضوع _ ومنتظر منك الكثيييييييييييييير في الموضوع دة _ لانى عايز اوصله لأعلى مستويات الإستفادة _ و المستويات التقنية ونوصل لنتائج جيدة تفيدنا كلنا
انا بقى عندى نقد ليكى :-
انتى قسمتى لغات البرمجة بالنسبة لك أولاً حسب السهولة ومن ثم حسب التطبيقات وحاجات تانى _ !!!!!!!!!
احنا بالنسبة لنا كمتخصصين لازم نخلى السهولة دى في مراتب متأخرة _ لأكتر من سبب _ لاننا متخصصين ومجال البرمجة دخل فيه العديييييييد من الهواة والمنافسين لنا وفيه منهم المحترفين حالياً وبيشغل أعلى المناصب _ ولان كورسات البرمجة زادت جدااا وممكن اى حد معاه فلوس يتعلم يبرمج _ لكن مش ممكن يتعلم في كورس انه يعمل برامج محترفين ولا يتعلم اللغات بإحتراف ودى الميزة اللى عندنا لو زودنا في لغة برمجة ممكن نحترفها بسهولة
أعتقد ان الترتيب الأولى للغات البرمجة ييجى عن طريق التطبيقات وومدى استخدام تطبيقات اللغة في كل المجالات > النتوورك - الداتا بيز - الإنترنت - السيرفرات - الدسكتوب كمبيوترز- ال hand held devices ( mobiles) و كنترول الكمبيوتر وغيرهااااااااااا
اقتباس:
انا رأيي ان الواحد لو عايز يتوسع في لغة برمجة يبقي الجافا احسن حاجة بالنسبة له .. لأن مجالاتها كتييييييير جدا بصراحة وبتشتغل علي اي جهاز وبرمجة الويب فيها تقدر تتعلمها بسهولة يعني برامج عادية وبرامج ويب وبرامج موبايل وحاجات كتيييييير وكمان معظم الناس في العالم بيشتغلوا بيها فالبحث عن اي برنامج او برمجة جزء معين هتلاقيه بسهولة في النت غالبا
</FONT>
بالنسبة لبدايه كلامك عن الجافا _ فهو موفق جدااا _ وانا تقريباً فاتح الموضوع عشان الجافا
وانا برده زيك حبيت الجافا جدااا _ وحاسس انها لغة مثمرة فعلاً ولها مجااااااال واسع كتييييييير
وبما انك الحمد لله بتقتصدى في الكلام عن الجافا _ انا حتوسع شوية فيها _
الجافا على حد معرفتى بها حتى الان _
(1)
نقدر اولاً نستخدمها في مجال ال desktop apps زى باقى لغات البرمجة _ في منها كونسول أبليشكيشن وفي منها الجيو أى أبليكيشن .
(2)
والميزة للجافا الكبرى اللى شهرتهااا فوق _ انها بتعمل تطبيقات الأبليت java applets اللى ممكن تشتغل ع الإنترنت وهى عبارة عن desktop apps ممكن بكود بسيط يتحول لبرنامج يشتغل على صفحة الإنترنت او صفحة ال Html . و دة كان احتراف للجافا عن بقية لغات البرمجة . لأن السي شارب والسي ++ مابتعملش كدة على جد علمى .
(3)
نيجى للميزات الاخرى الجافا ممكن يتعمل بها برامج تشتغل على ال Handheld devices زى الموبايلات واكيد كلنا بنشوف برامج وجيمز للجافا ع الموبايلات ودى لها مجال واسع جدا في البرمجة بالجافا. ودى ال deployment package لها عبارة عن ملف .jar بتنزله على الجهاز وتنزل معاه ال JDK أو ملف تشغيل تطبيقات الجافا اللى بيخليها تشتغل على أى بروسيسور / وملف ال .jar دة كإنه ملف ال exe اللى متعودين عليه في أى لغة برمجة _ ولكن هنا اختلف الملف بسبب ال JVM اللى بتميز الجافا سابقااااااا عن أى لغة برمجة ان تكبيقاته تقدر تيشتغل على أى بروسيسور أى كاااااان ودة اللى خلاها تشتغل ع الموبايلات والاجهزة والسيرفرات وغيرهاا _ وبركز على سابقاً لان ميكروسوفت نجت من لمشكلة دى _ لما نزلت الدوت نت فريم وورك _ فبنفس خواص ال JVM ولكن له أفضلية انه ربط كل لغات برمجة ميكروسوفت في نطاق واحد _ اه هو صعب ع المبرمجين _ ولكن لها مميزات كبرى نبقى نتكلم عليها بعدين _ واحنا ممكن نحس بكدة في برنامج ال Hades اللى استخدمنااه في 2 كهربا بتاع السموليشن ديجيتال ديزاين برنامج متميز معمول بالجافا عبارة عن أيقونة واحدة Hades.jar ممكن يشتغل بدون تسطيب او أى حاجة يعنى كمان portable وحجمه مش كبير _ بس لازم نسطب له ال JDK
(4)
الجافا كمان غير كدة ممكن تبقى انترفيس لتطبيقات الداتا بيز _ وومكن نربطها بأى داتا بيز عندنا _ أكسس - أوراكل - ماى سكوال . من خلال ملف ال JDBC أو ال Java database connectivity المتميز اللى بيخلينى نربط تطبيقات الجافا بالداتا بيز ع السيرفر ومن خلال النتوورك بسهولة مع الأخذ في الإعتبار ان فيه مجال سيكيوريتى عالى جدا ً في استخدام النتوورك من خلال الجافا _ عامل معايا مشكلة في ربط الداتا بيز ع النتوورك _ يعنى كدة الجافا بقت بتنافس برامج الأوراكل فورمز وكمان السي شارب والفيجوال بيزك وغيرهااا من برامج انترفيس الداتا بيز
(5)
غير كدة ان الجافا كمان ممكن نبرمج بها صفحات الإنترنت _ ازااى يعنى ؟ يعنى ممكن نحط في صفحة الويب buttons , msgbox, وأى كومونت من الجافا كإنى ببرمج عادى ودى خاصية رهيبة جدااااااااا جمعت كل حاجة في الجافا من خلال ال JSP او ال Java servlet pages وكدة خلت الجافا بتناطح ال ASp.net وال PHP ومستخدمينها قليليييين في الوطن العربى لان الحمد لله ميكروسوفت واخدة سمعة رااااااائعة عن الجافا عند العرب .
(6)
وكمان ممكن تكتبى أكواد Java Scripts وتدمجيهم مع أكواد HTML بسهووووولة جدااا صفحة انترنت فيها أنيميشن وصورة ورا الماوس ومطر في صفحة النت وكتييييييير غيرها _ والاكواد دى متوفرة بشدة ع المواقع
عدد المشاركات: 5014 العمر: 23 المكان: سرى الوظيفه/الفرقه: سرى الهواية: سرى رقم العضوية: 10 النقاط: 7408 التقييم: 56 تاريخ التسجيل: 25/06/2007 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى السبت مارس 28, 2009 10:31 am
(7)
وكماان الجافا لها باع رااائع في برمجة النتوورك _ فممكن نعمل بها برامج شات زي الياهوو ماسنجر كدة وكمان chat rooms و البرامج دى هى برامج Socket programming
(8)
وكمان برامج السيرفرات زى ال Web Server وال Mail Server وغيرهمممممم ودة اللى خلى شركة اوراكل تعمل اتفاقية كبرى مع شركة صن ميكروسيستم وخلى الجافا والأوراكل في السمااااا
(9)
واكتر من كدةة الجافا ممكن نستخدمهااا في التحكم عن طريق الكمبيوتر زى التحكم في ال serial / parallel ports بسهولة وتميز _
(10)
وكمان الجافا من خلالها ممكن ادمج اكواد C/C++ لو احتجتهم في البرنامج _
(11)
وكمان ممكن أعمل بالجافا ما يسمى java beans وهى عبارة عن كوموننت في الجافا ملف واحد بسسسسس بيشمل عديد من الكلاسات مع بعض عشان استخدمه في أى برنامج لى _ ودة بيستخدم في اوراكل كتييييير جدااااا وبكفاءة عالية _ وحنلاحظ لو عملنا أى برنامج بالجافا كبير شوية حنلاقى عمل لنا أكتر من كلاس _ مش حنعرف نستخدم انى واحد فيهم _ ودى ميزة ال Java Beans
(12)
وكمان بالجافا ممكن نعمل برامج جرافيكس وحيمز محترفة انا شفت كتب جرافيكس في الجافا مبدعة بتستخدم 2D, 3D وكمان نعمل أنيميشن ميتميزة
(13)
وكمان الجافا لغة متطورة دائمااااااااااااااااا _ فاحنا بننزل jdk 1,4 ومن ثم jdk 1.5 ومن ثم أخيراُ jdk 1,6 كل واحدة من دووول فيهم كلاسات جديدة بعنى اللغة متطورة دائماً وبسرررررررعة عالية
(14)
والميزة المستقبلية الكبرى للجافا _ هى ال MultiThreads programming أو ال Parallel programming وهى البرمجة ع التوازى الخاصة بال MultiCore processors ودى البرمجة القادمة وبرمجة المستقبل لاتساع نطاق هذة النوعية من البروسيسرات وان البرامج كلها حالياً بتتغير لزيادة ال Performance وزى ما قال لنا د- مصطفى النحاس ان النوعية دى من البرامج ستقضي ع المبرمجين الهواه الصغار _ " وانتهى العشاء للمبرمجين الصغار "
(15) والجافا لهااااااا العديد من المميزات انا قريت ان في حاجة اسمه SOAP و Ant ولغة تعريف اللغات ال XML وغيرها مع الجافا _ لسة ماوصلتش ايه هى الحاجات دى كلهاااااااااا __
وغيرها وغيرها من المميزاااااات الرائعة لهذة اللغة المتميزة
الجافا أعتقد ان مش كتيييييير بيستخدمهاا من الهواة للبرمجة في مجال العمل _ اولاً لان ميكروسوفت مسيطرة ع الوضع كويس قوووى _ تانى حاجة ان الجافا أقوى لغات ال Object oriented programming ودة فيه صعوبة ع المبرمجين الصغار انهم يتعرفوا عليها بسهولة أو ان حد ياخد كورس ويفهمها بسهولة واللى بيشترح لهم فيها _ انه يحفظ الكود دة ويكتبه _ ودة بيعمل عنده صعوبة كبيرة جداااااااااااا في التطبيقات العملاقة _ لانه مستحيل حيحفظ ال hierachy بتاعت الكلاسس في لغة البرمجة فبيضطر انه يتنقل للغة أسهل
ومن اللغات اللى بتدعم ال OOP هى السي شارب والفيجوال بيزك وكمان لها انترفيس جيو أى _ بتسهل جداااااا ع الهواه عمل تطبيقات بسررررررعة في السي شارب _ وممكن واحد يقعد اسبوع في السي شارب يحس انه محترف _ وبيبعد عن الجافا لان الجافا مكانش لها برامج جيو أى drag & drop components ولازم عشان يحط بوتون يكتب كود كبييير ولازم يفهمه عشان يمشى مع أى خطأ
ال OOP انا رأيي انها خلت الجافا لغة متميزة جدااااااااااااااااااااا جداااااااااااااااا _ تقدر تنظم برامجك الكبيرة بشكل متميز عن ال sequential programming وممكن تعمل برامج عملاقة متقسمه أجزاء كل جزء _ مجموعة مبرمجين يعملوا عليه حتى النهاية _ وأخيرا ً ال Admin يجمع كل العمل كوحدة واحدة _ وطبعااا انا مش حقدر أقول كل مزايا ال OOP لان دة عايز مواضيع اخرى كتيييييييييييير
برنسيس انتى قلتى ان معظم الناس بتستغل في الجافا وممكن نبحث ع النت بسهولة حنلاقى اللى عايزينه _ انا مش معاكى في الكلام دة _ لان الناس اللى بتشتغل فيها دول قليل جداً منهم العرب اللى شغال فى الجافا _ لانه اقتربت من المتخصصين / حتلاقى معظم العرب الى بيتكلموا عن الجافا بيتكلموا في مبادئ الجافا وقليل جداً المحترفين المواقع الاجنبية هى اللى عارفة مميزات الجافا وهى اللى بتعرف تستخدمها صح في كل المجالات أى مشاكل أو erros حتلاقيه في المواقع الاجنبية _
بالنسبة لان الجافا بتشتغل على أى جهاز أو بصورة أفضل أى بروسيسور دة صحييح 100 % لكن لازم تنزلى ع الجهاز دة ال JDK اللى اتكلمنا عليها ودى رغم انها ميزة في الجافا برده عيب انها بتخلى برامج تقيلة نسبيااا عن باقى البرامج . لكن ما باليد حيلة ميزة أفضل من عيب .
الخلاصة ان الجافا لغة مبدعة بحق واتمنى انى أستزيد فيها جدااااااااا
وللتعقيب عن بقية اللغات بقية ......
لو لم أكن مصرياً لوددت أن أكون مهندساً
Terminator مشرف قسم هندسة القوى والآلات وحول العالم
عدد المشاركات: 1194 العمر: 21 المكان: In a Transformer الوظيفه/الفرقه: 3rd Year Power الهواية: Hi Technology رقم العضوية: 614 النقاط: 2699 التقييم: 19 تاريخ التسجيل: 22/02/2008 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى السبت مارس 28, 2009 10:22 pm
معلومات ممتازة يا يحيى
بس سؤال صغير
دلوقتى Linux فى الاول مكنش فيه واجهات رسومية و كان زى DOS كده
طيب الواجهات الرسومية اللى عملوها دلوقتى بيستخدموا فيها الجافا
ولا بيعملوها بلغات برمجة تانية ؟؟؟
ولا دى بتبقى حاجات موجودة فى Kernel بتاع نظام التشغيل
خصوصا انى شفت انهم بيستخدموا فى firefox اكثر من لغة برمجة منها C بس ملقتش الجافا
عدد المشاركات: 5014 العمر: 23 المكان: سرى الوظيفه/الفرقه: سرى الهواية: سرى رقم العضوية: 10 النقاط: 7408 التقييم: 56 تاريخ التسجيل: 25/06/2007 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الأحد مارس 29, 2009 7:14 pm
Terminator كتب:
معلومات ممتازة يا يحيى
بس سؤال صغير
دلوقتى Linux فى الاول مكنش فيه واجهات رسومية و كان زى DOS كده
طيب الواجهات الرسومية اللى عملوها دلوقتى بيستخدموا فيها الجافا
ولا بيعملوها بلغات برمجة تانية ؟؟؟
ولا دى بتبقى حاجات موجودة فى Kernel بتاع نظام التشغيل
خصوصا انى شفت انهم بيستخدموا فى firefox اكثر من لغة برمجة منها C بس ملقتش الجافا
أى خدمة يا ترميناتور _
انا بعتذر كتييييير ع التأخير في الرد _ و حرد ع لاشين في الاول عشان مايفضحنيش في الكلية
جميل جدااا انك تشتغل لينكس يا لاشين _ وللأسف انا ماشتغلش لينكس لحد دلوقتى لكن من الدراسة لنظم التشغيل العامة _ أقدر أفيدك ببعض المفاهيم ان شاء الله
تمام يا باشا اللبنكس زمان كان ال user interface لها هو ما يسمى ال CLI او ال Command Line Interface يعنى انك تدخل الأوامر بالاكواد _ ودة مكانش في اللينكس بس _ ولكن MSDos اللى هو نظام التشغيل السابق لمايكروسوفت قبل Windows كان برده بيستخدم ال CLI interface
ودة كان شكله في اللينكس
مع التطور لكل نظم التشغيل ظهرت معانا انترفيس جديد للتسهيل ع اليوزر وهو اللى ساعد كل الشعب انه يستخدم الكمبيوتر وهو GUI او Graphical user Interface
ودة الواجهة الرسومية اللى كلنا شغالين عليها ع الكمبيوتر حالياً وفيه أنواع كتييير من الإنترفيس الرسومى دة _ بمزايا مختلف وبينزل مع نظم تشغيل مختلفة وكلهم بيسموا Desktop interface
اقتباس:
طيب الواجهات الرسومية اللى عملوها دلوقتى بيستخدموا فيها الجافا
ولا بيعملوها بلغات برمجة تانية ؟؟؟
ولا دى بتبقى حاجات موجودة فى Kernel بتاع نظام التشغيل
من ناحية اللغة البرمجية اللى مكتوبة بها الواجهة الرسومية اولاً انا عايز أفهمك ان الكيرنل بتاع نظام التشغيل هو عبارة عن جزء صغير من ال OS أو موديول من ال OS بيشتغل في الميمورى دائماً طالما ان نظام التشغيل شغال فلازم يبقى حجمه صغيير جدااا عشان ما يأصرش على كفاء الجهاز وماياخدش مساحة من الميمورى فدة بيبقى فيه أساس الأساسيات اللى نظام التشغيل محتاجهااا دائماً ولما انت بتطلب تشغل أى برنامج تانى مثلااا _ وليكن انك فتحت Run وكتبت CMD ففتح لك موديول كتابة الأوامر أو ال CLI فانت كدة بتحمل موديول ال CLI في الميمورى مؤقتاً لحد ما تقفله انما مش بيبقى ضمن الكرنل _ وهكذا ال GUI فهو موديول بيتحمل لفترة وقت تشغيل الجهاز انما مش بيبقى ضمن الكيرنل لنظام التشغيل
لاحظ من الصورة ان جزء الكيرنل فيه الأساسيات اللازمة من الدرايفات و ادارة الذاكرة والبروتوكولات وادارة الملفات والسوكيت للشبكات
اما بالنسبة للغة البرمجة المكتوبة به _ فانا ماأقدرش أؤكد لك كلامى _ واحاول توثيقه بس اللى أعرفه ان كل نظم التشغيل تقريباً معمولة بلغة ال C++ إن لم تكن بال C
ودة بسبب سرعة التنفيذ العالية للغة السي انما الجافا أظن انها مستبعدة لانها محتاجة وقت أطول بما فيها من نظام اوبحكت اورينتد وكمان ال JVM يعنى برده بستبعد لغة الC++.net من الموضوع دة
فأى نظام تشغيل بيبقى معمول بال C/C++ وقليلاً من الأسمبلى في الأجزاء ال Highest critical واللى بتعمل بطء في التشغيل .
وهنا فيه موضوع ناس بتتسائل ليه الكيرنل بتاع اللينكس معمول بال C مش بال C++ ودة ممكن يكون توثيق لكلامى
وان شاء الله يبقى لنا حلسة تااانى كبييييرة في حكاية اللينكس _ فعلاً اللينكس نظااام كبيير جداااً وانا بحب التحدى مع ميكروسوفت مع البرامج المضادة لهااا وأعذرنى ان كانت خبرتى قليلة باللينكس وان شاء الله اكون أفدتك
ودى كتااااب حلو كتييييير تعليم البرمجة بالسي ++ على اللينكس _ على فكرة هى نفس الكود طبعااا بس هو بيعلمك ازاى تتعامل مع الكومبايلر ومزايا أخرىى
الكتاب حاطه الحبار في موضوع كتب ال سي ++ تسللللللم يا حباااار
Jesse Liberty, David B. Horvath , Jonathan Parry-McCulloch, Hal Moroff, Paul Cevoli , "Sams Teach Yourself C++ for Linux in 21 Days" Sams | 2000-05-01 | ISBN: 0672318954 | 1152 pages | PDF | 4,3 MB
Sams Teach Yourself C++ Programming for Linux in 21 Days teaches you the C++ programming language using the Linux operating system. You will gain a thorough understanding of the basics of C++ programming from a Linux perspective. The Bonus Week includes topics such as XWindows, KDE with QT toolkit, APE Class Library, and Real -time Middleware.
Terminator مشرف قسم هندسة القوى والآلات وحول العالم
عدد المشاركات: 1194 العمر: 21 المكان: In a Transformer الوظيفه/الفرقه: 3rd Year Power الهواية: Hi Technology رقم العضوية: 614 النقاط: 2699 التقييم: 19 تاريخ التسجيل: 22/02/2008 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الإثنين مارس 30, 2009 5:02 am
انا بصراحة مش عارف اقولك ايه يا يحيى على المعلومات الرائعة دى
اللى بصراحة اول مرة اعرفها خصوصا الجزء ان GUI هيه موديول فى OS
و ان شاء الله انا اقدر اساعدك لما نفتح موضوع اللينكس لانى فى الفترة الحالية بقرأ عنه كتير
بس اكيد طبعا مش هبقى اقوى منك انت كبيرنا برضه
اما الجزء الخاص Firefox انا لما دخلت على Wikipedia
PRINCESS مشرف عام على الأقسام ومشرفة قسم إسلاميــات وكورسات هندسيه
عدد المشاركات: 2439 العمر: 22 الوظيفه/الفرقه: خريجة حاسبات طازة ^_^ رقم العضوية: 19 النقاط: 4775 التقييم: 10 تاريخ التسجيل: 28/06/2007 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الإثنين مارس 30, 2009 5:23 am
انا هرد رد صغير لأني مش عارفة مصادر اقدر أأكد بيها كلامي بس انا اللي اعرفه ان الفاير فوكس زي اللينكس open source وعشان كده تقدر تضيف عليه اي حاجة ودي اللي بنقول عليها الـ Extensions ودي ناس كتير مبرمجينها وبينزلوها في موقع الفاير فوكس واعتقد هي دي اللي ممكن تستخدم في برمجتها اي لغة برمجة
عموما لو عرفت حاجة جديدة هبقي اضيفها في الموضوع بس كنت عايزة اقول تعليق علي رد يحيي ان انا كنت اقصد ان الناس في العالم بدأوا يتجهوا للجافا من فترة فعشان كده لو دورت علي حاجة في الجافا هتلاقيها بسهولة وعموما ما اعتقدش ان المواقع العربية فيها منتديات كبيرة للبرمجة وحتي لو فيها .. فالأفضل والأسهل والأسرع انك تدور علي اي حاجة في المواقع الاجنبية او في الـ MSDN لو اللغة تخص ميكروسوفت [ندعوك للتسجيل في المنتدى أو التعريف بنفسك لمعاينة هذا الرابط]
يـا الله …. كــم أشتاق لرؤياك ولـكــنــي مــازلـت أعـــصـاك فنقني وطهرني قبل أن الــــقاك
عدد المشاركات: 5014 العمر: 23 المكان: سرى الوظيفه/الفرقه: سرى الهواية: سرى رقم العضوية: 10 النقاط: 7408 التقييم: 56 تاريخ التسجيل: 25/06/2007 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الإثنين مارس 30, 2009 5:40 am
أها انا مع برنسيس في كلامها عن الفاير فوكس _
انا مش بتعامل معاه _ أنا من مؤيدى الإكسبلورر
بس كنت بشوف أنواع Extensions كتيير
ممكن تنضم للفاير فوكس زى ال plug ins كدةة
ويمكن بقى هى بتتبرمج باللغات اللى انت حاططهم يا لاشين
اقتباس:
[size=16]C++ , java script , XBL , XUL , CSS
[/size]
أنا مش عارفهم كلهم _ بس هى ال سي ++ معروفة طبعا
الجافا سكريبت عبارة عن لغة برمجة اكوادها بتبقى زى سكريبتات بتتضاف مع أكواد ال Html في صفحة الإنترنت بتعطى أكشن حلوو في صفحة النت مثلاً كإن السما بتمططر في الصفحة وهكذاا _ وكمان ال CSS برده سكريبتاات بتبقى ضمن أكواد ال HTml اعتقد انها بتعطى interaction مع اليوزر
اللغتين التانيين ماعرفهمش والله _
بس ندور عليهم _ ونشوف كلام جديييد _ تسلم يا مان
اقتباس:
بس كنت عايزة اقول تعليق علي رد يحيي ان انا كنت اقصد ان الناس في العالم بدأوا يتجهوا للجافا من فترة فعشان كده لو دورت علي حاجة في الجافا هتلاقيها بسهولة وعموما ما اعتقدش ان المواقع العربية فيها منتديات كبيرة للبرمجة وحتي لو فيها .. فالأفضل والأسهل والأسرع انك تدور علي اي حاجة في المواقع الاجنبية او في الـ MSDN لو اللغة تخص ميكروسوفت [ندعوك للتسجيل في المنتدى أو التعريف بنفسك لمعاينة هذا الرابط]
تمااااام يا برنسيس _ فعلاً أى حاجة تبع ميكروسوفت حنلاقيها في ال MSDN بس برده مش حنلاقي لها شرح كويس ممكن يغنى عن كل حاجة _ دة اذا كنتى ضعيفة في اللغة نسبياً _ لان ال MSDN بيتعامل معاكى بال ميثود _ وحتدخلى لها باراميتر ايه وشوية أمثلة بس مش دائماً وممكن كمان الباراميتر مايفسرهااش وتدوخى من تانى عليها _
اللى بيضم كل مكتبات الجافا _ فهو زى ال MSDN بس برده بيتطلب انك تكونى خبيرة سابقة في الجافا _ وعشان تتذكرى بس الباراميتر والميثود وهكذاا _
وانا كنت بقكر في سنة تالتة لما كنا بناخد الجافا _ انى اعمل موضوع كل يوم Method في الجافا _ ونحط عليها أمثلة ونعمل تمثيل لكل الباراميترات المتاحة _ بس الفكرة اختفت بسررررعة
ايه رأيك يبقى في حاجة زى كدةةة ؟؟
لو لم أكن مصرياً لوددت أن أكون مهندساً
Terminator مشرف قسم هندسة القوى والآلات وحول العالم
عدد المشاركات: 1194 العمر: 21 المكان: In a Transformer الوظيفه/الفرقه: 3rd Year Power الهواية: Hi Technology رقم العضوية: 614 النقاط: 2699 التقييم: 19 تاريخ التسجيل: 22/02/2008 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الإثنين مارس 30, 2009 6:26 am
PRINCESS مشرف عام على الأقسام ومشرفة قسم إسلاميــات وكورسات هندسيه
عدد المشاركات: 2439 العمر: 22 الوظيفه/الفرقه: خريجة حاسبات طازة ^_^ رقم العضوية: 19 النقاط: 4775 التقييم: 10 تاريخ التسجيل: 28/06/2007 Upload Photos:
موضوع: رد: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى الثلاثاء مارس 31, 2009 2:49 am
YeHi@$MmZ كتب:
وانا كنت بقكر في سنة تالتة لما كنا بناخد الجافا _ انى اعمل موضوع كل يوم Method في الجافا _ ونحط عليها أمثلة ونعمل تمثيل لكل الباراميترات المتاحة _ بس الفكرة اختفت بسررررعة
ايه رأيك يبقى في حاجة زى كدةةة ؟؟
كل يوم ميثود!!!!! خلي الفكرة مختفية احسن
يـا الله …. كــم أشتاق لرؤياك ولـكــنــي مــازلـت أعـــصـاك فنقني وطهرني قبل أن الــــقاك
eng_ghost مراقب عام المنتديات والحوار العام ومنتدى الهندسة المدنية
عدد المشاركات: 4486 العمر: 24 المكان: بين شطين وميه ,,,,, عشقتهم عينيا !! الوظيفه/الفرقه: أكيد مهندس ,, لكن برضو مستقبله مالوش ملامح الهواية: زي مابتطلب بديها ,,, لأني أكتشفت أني مجنووووووون !! رقم العضوية: 1036 النقاط: 9205 التقييم: 155 تاريخ التسجيل: 16/04/2008 Upload Photos:
موضوع: الفرق الجذري بين Java و C#, الخميس أبريل 02, 2009 4:05 pm
وجهة نظري(من خلال بحثي البسيط): لو أن شركة سن أصدرت سي شارب بينما أصدرت ميكروسوفت لغة جافا لتعلق (مبرمجو الجافا) بسيشارب من سن،،، ولتعلق (مبرمجو سي شارب) بجافا من ميكروسوفت. بمعنى آخر: أنا اخترت جافا وليس سي شارب ليس لأن الجافا أقوى أو أضعف بل لأني أفضل عقلية سن على مايكروسفت.
سوف أعترف: أنا منحاز للبرمجة شيئية التوجه بغض النظر عن اللغة سواء كانت جافا أو سي شارب.
لا أدري إن كنت أحمل هذه الآراء وحدي!
ذلك لأن الفرق ليس بين اللغتين بل بين عقليات المبرمجين. وبين عقليات سن وميكروسوفت.
خذ الأمثلة التالية،واسأل نفسك من أنت فيهم:
مثال1:
أصدرت سن لغة جديدة أو حزمة جديدة ولتكن جافا>> مبرمجو سن: لنبدأ البرمجة والتطوير!!! أصدرت مايكروسوفت لغة جديدة أو حزمة جديدة ولتكن سي شارب>> مبرمجو ميكروسوفت: متى تصدر بيئة التطوير؟؟؟
مثال2: خطأ أو عقبة أو قصور...
يستعمل مطور سن برنامجا من سن: بعد استخدامه يواجهه قصور>> يفكر: كيف أطور البرنامج؟؟ سوف أرى ماذا صنع البنائي(المبرمج)لربما أستطيع تضبيطه. يستعمل مطور مايكروسوفت برنامجا من مايكروسوفت: بعد استخدامه يواجهه قصور>>: متى تصدر مايكروسوفت الإصدار الجديد؟؟؟ حتى تحل لنا المشكلة.
مثال3: عند استكشاف تقنية جديدة، المبرمجون يحاولون تطوير أدوات لاستخدامها.
شركة سن: تبحث مع عدة شركات وعدة من الدوائر ومبرمجون كثر عن أفضل المقاييس. ومن ثم تتبنى تطوير بشكل معين. ومن طور أدوات قبل أن تطورها سن بشكل مختلف فلم يذهب عمله هباء، يستطيع استخدامها. شركة مايكروسوفت: تنتج أداة جبارة تضيع إنتاج المطورين الذين سبقوها بقوتها وتسويقها.
خذ المثال السن الأزرق... لا يوجد حتى الآن تنفيذ لأي حزمة تخدم السن الأزرق من شركة سن. إلا أنه توجد شركات أخرى قامت بهذا العمل. والتنافس مستمر لإصدار أفضل الأدوات.أما مايكروسوفت والسن الأزرق فلن ترى إلا مايكروسوفت والسن الأزرق حتى أنها صنعت هاردوير خاص لها بشأن ذلك.
مثال4:
إذا واجه مبرمج السن معضلة صرخ: أريد أي شركة أي أحححددد!!!!! إذا واجه مبرمج المايكروسوفت معضلة صرخ: أريد ماااايكرووووسوووووفت!!!!!
مثال5:
زيد اشترى بيتا عاديا من رجل، فأصبح زيد مالكا للبيت. يستطيع زيد أن يضيف غرفة هنا أو يغير شكل زاوية من هنا في منزله الجديد، كما يستطيع بيعه إن أراد بقيمة أعلى عندما يزيد فيه شيئا. عمرو اشترى بيتا جميلا من جحا، فأصبح عمرو مالكا للبيت، إلا أنه لا يستطيع تغيير أي شيء في البيت ولا إضافة ولا حذف ولا تجميل أي شيء!! حتى المسمار لا يستطيع إخراجه!!!
خذ منتجا وليكن بيئة التطوير Netbeans التي سن من المشاركين في تطويره. هل تستطيع قراءة الشفرة؟ نعم. هل تستطيع تطويره؟ نعم. هل تستطيع أخذ أجزاء من البرنامج لوضعها في برامج أخرى؟ نعم. هل تستطيع تطويره ومن ثم بيعه؟ نعم. بالمقارنة إذا أخذت منتجا من ميكروسوفت وليكن بيئة التطوير V Studio، لا يحق لك تطويره وبيعه بعد ذلك. ولا يحق لك قراءة كيف تم بناؤه. ولا يحق لك أخذ شيء منه لاستعمالك وبيعه بعد ذلك.
مثال6: اسمع مني.... سأعلمك أفضل الأدوات وأفضل المعدات وأمولك بأفضل التقنيات،، لكنك لن تستطيع الخروج من تحكمي... ولا تطور إلا بيتي...إلا وأنا موجود!!! لا تبدأ التطوير في الجوال حتى أكون موجودا... اسمع مني... سأعلمك أدوات ومعدات يمكنك استخدامها أينما كنت، في المطبخ في الجوال في سمبيان في نوكيا في موتورولا في المتصفح في الثلاجة في الوندوز في اليونكس في سولاريز في الريسيفر في التلفزيون في البطاقات الذكية ....الخ
أين أنت من هذه الفئتين، أو من هذه العقليتين؟؟؟؟...
كما نوهت سابقا.. الفرق ليس بين اللغتين بل بين العقلية التي تمشي بها الشركتين.
دكتور/ كمال محمد محمد حامد
***** دكتوراة فى علوم البرمجيات من جامعة حسين بن طلال بمعان بالاردن *****
** مصرى اردنى الجنسية صاحب شركات برمجة واستضافة فى مصر والاردن والسعودية *****
ابحث في بلدك الثاني .. الإجابة في بلدك الثاني .. ليس البلد الذي أخرجتك فيه أمك للحياة باكياً عارياً .. ابحث بين قومك الآخرين .. ليسوا هؤلاء الذين نشأت معهم ولهوت معهم .. ...ابحث في وجوهٍ أخرى ليست كالوجوه التي ألفتها .. ابحث في قلوبٍ أخرى تجهل عنها كل شئ ..
قد لا أجد من يفهمني أبدآ وقد أجد من يفهمني لكن حتى ذاك الوقت سأبقى هنا في مملكتي أنتظر بعيدآ عن كل البشر علّي ان أجد نفسي كما أحب أن أكون أنا وليس كما يحب باقي البشر أن أكون **************
الـلهُـم أنـى أسـالـُكَ الأُنـسَ بـقـربـك ,,,, اللهم أمين
حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى
موضوع: حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى 
.. بس معظم الناس بتحبها وبتحب تشتغل بيها
أى خدمة يا ترميناتور _ 
