تعالوا نتنافس

**بنت مصر** · موضوع: تعالوا نتنافس الأحد يونيو 15, 2008 5:11 am

الاجازه وما ادراك ما الاجازه
في ناس بتنظر لها علي انها فرصه للكسل والراحه التامه يعني الواحد ينام 20 ساعه في ال24 ساعه
وفي ناس تانيه بتنظر لها علي انها فرصه تقدر تعمل فيها الاشياء الي كان نفسها تعملها وظروف الدراسه منعتها من انها تعملها
ياتري انت اي واحد في الاتنين ؟؟؟
طب لو كنت من النوع الاول انا عندي فكره ممكن تخليك تغير طريقة قضائك لاجازتك
يعني لو الافراد الي من النوع التاني (الي هو بيعرف ازاي يستفيد من الاجازه صح ) كتبوا لينا هما بيعملوا ايه في ايام الاجازه وازاي بيقضوا يومهم فيها وازاي بيقدروا يستفيدوا منها الاستفاده القصوي
اكيد ده حيكون حافز للافراد الي من النوع الاول (الي هما بيقضوا الاجازه نوووووووووووم) ويحاولوا انهم يتنافسوا معاهم في كيفية الاستفاده من الاجازه
بس ياريت الكل يشارك بخبرته علشان اكبر عدد من الاعضاء يستفيد
والله الموفق

[ندعوك للتسجيل في المنتدى أو التعريف بنفسك لمعاينة هذا الرابط]

**PRINCESS**

بنت مصر كتب:

الاجازه وما ادراك ما الاجازه
في ناس بتنظر لها علي انها فرصه للكسل والراحه التامه يعني الواحد ينام 20 ساعه في ال24 ساعه

ياااااااااااااريت
هو انا نفسي انام وارتاح في الاجازة
بس فيييييين الراحة
انا حاسة اني كنت بنام ايام الدراسة والامتحانات اكتر من دلوقتي
وعشان كده غيرت توقيعي cry

انا مش حقولك ان انا من النوع التاني
ولا برده من النوع الاول
انا عبارة عن خليط
يعني يوم اشتغل اووووووي
ويوم انام واعوض فيه
بس هو لغاية دلوقتي الاجازة ما اخدتش نظام معين

وبالنسبة للاجازة وممكن نقضيها ازاي
فأنا حتكلم عن نفسي
اولا الكورساااااات.. او التدريب الصيفي عند بقية الاقسام
لان انا ناوية ادخل حاسبات وما شوفتش مكان ممكن اتدرب فيه
فحاليا مركزة علي الكورسات

وتاني حاجة مش عارفة اخلص منها
هي زيارة القرايب والجيران والذي منه
اصل صلة الرحم قربت تتقطع بسبب الكلية
ودلوقتي لازم نظهر بقي .. "حجة الدراسة رااااااحت"

تالت حاجة
هي شغل النت والكمبيوتر .. ده لوحده كتيييييير
يعني الواحد ممكن يركز في مجال او في حاجة تعجبه ويشوف شرح لها في النت
ويقرا ويذاكر مع نفسه
ودي لوحدها ممكن تاخد اجازتين مش اجازة واحدة .. وما اعتقدش ان الاجازة حتكفي اني اخلص اللي ورايا فيها
بيبكى

واخيرا .. عايزة اقول ان مش ناس كتير من النوع الاول
بالعكس فيه نوع مش بيستفيد من الاجازة
بس برده مش بيضيعها في النوم
"عندنا مبدأ .. خسارة نضّيع الاجازة في النوم بيضحك

"
ممكن نضّيع في الدراسة عادي
غمزه

يـا الله …. كــم أشتاق لرؤياك
ولـكــنــي مــازلـت أعـــصـاك
فنقني وطهرني قبل أن الــــقاك

الفرعون العاشق

أنا باستغل الأجازة في القراءة

فالدراسة تمنعني من ممارسة هوايتي المفضلة ولذلك أكثر ما أفعله في الأجازة
هو القراءة في كل المجالات

[ندعوك للتسجيل في المنتدى أو التعريف بنفسك لمعاينة هذا الرابط]

SEWAR101

بصراحة أنا مش عارف إن كنت من النوع الأول و للا التاني .... بس أنا هاحكي عن أيام الأجازة اللي قضيتها ... و انتم تحكموا .... إذا كنت من النوع الأول و للا التاني ؟؟؟؟

الأجازة بتبدأ معايا من ساعة مابرجع البيت في مصر و أروق الشقة و أنضفها .... لأن أنا عايش تقريبا لوحدي تماما .... لأن أهلي كلهم عايشين برة مصر ....
أول حاجة بعملها في حالة إن لو مالاقيتش تدريب ..... بدور على شغل في أي حاجة .... و بعد مااستلم الشغل ببدأ أعرف مواعيد الشغل علشان ابدأ أنظم اليوم .....
و يبدأ اليوم بتاعي كالتالي :

الاستيقاظ الساعة 9 صباحا و بالكتير يبقى 10 .... ده يوم مابكون افتريت في النوم ....
أبدأ اعمل فطار جامد كده و بيكون مكون من كل حاجة مفيدة ...( فول - بطاطش مهروسة - بيض مسلوق - خضار - و كوباينة لبن كبيرة بالعسل )

بعد الفطار بشوف التلاجة علشان ابدأ أنزل السوق و اشتري الطلبات اللي محتاجها كلها ( خضار - فراخ - فاكهة - عيش )

و بعد كده ابدأ أجهز الغدا و في خلال التجهيز بكون على النت بتجول في المواقع و البحث ...

بعد كده بتكون الساعة وصلت تقريبا 12 الضهر .... باعمل حاجة من الاتنين ... يا إما بقعد اتعلم حاجة جديدة على الكمبيوتر أو بانزل على مكتبة مبارك اللي في الجيزة .... و افضل هناك لغاية الساعة 2 الضهر ....

بعد كده ارجع البيت و اعمل المشروب الحيوي بتاعي اللي هو بيكون متكون من بروتين و فيتامينات بيتباع في الصيدلية ( جيفرال - أمينوأسيد )

و بعد كده اروح على الجيم ... و اقضى هناك ساعتين .... بتكون الساعة و صلت حوالي 4 العصر ....

على طول اروح على البيت و أتغدى .... و آخد دش جميل كده ... و ابدأ ألبس و أجهز نفسي علشان الشغل ....

بعد كده باروح الشغل اللي بيكون معاده حوالي الساعة 5 بالليل .... و علشان ماحدش يستغرب هو الشغل معاده كده ( خدمة عملاء - أو مندوب مبيعات )

بافضل قاعد في الشغل لغاية الساعة تقريبا 11 .... و طبعا بعد الساعة 11 باكون خلاص تعبان جدا و نفسي أنام .... أروح البيت و أتعشى و أنام ....استعدادا ليوم جديد ...

الجيم مش بيبقى كل يوم ..... بيكون يوم و يوم .... و اليوم اللي مش بيكون فيه تمرين ... بحاول اتعلم و اذاكر أي لغة تانية غير الانجليزي .... و لوحدي من غير كورسات ....

و طبعا يوم الجمعة بيكون يوم الأجازة .... باستغله في ترويق و تنضيف البيت و الغسيل و كده يعني من شغل البيت .... و آخر النهار ممكن انزل أشوف أصحابي أو أنزل و اتمشى لوحدي على النيل .... او في وسط البلد

و ده كان نظام الأجازات بتاعتي كلها مع بعض الاختلافات البسيطة ... يعني مرة بطلت اروح الجيم .... و بقيت باعلم الولاد الصغيرين اللي في الجامع القرآن و احفظهم القرآن ...

المشكلة بقى إن بيكون اليوم خلص و لسه في حاجات كتير بيبقى نفسي أعملها بس بيكون للأسف اليوم خلص و انا لسه ماعملتهاش .... أنا لما بتيجي الأجازة بيبقى نفسي اليوم يزيد و يبقى 48 ساعة بدل 24 ساعة ... علشان أعرف أعمل حاجات كتير في اليوم ....

ياريت تبقوا تحكموا عليا ... و تقولوا ... هل انا من النوع الأول و للا التاني ....؟؟؟؟

Tarek Adel

A.ELDOWY

يا بشمهندس sewar انت طبعا من النوع الثاني لانك بدبر حياتك اليوميه بنفسك و بتشتغل وبتروح المكتبه
بكده الدور وصل اني ادخل كرسي الاعتراف
الاستيقاظ من النوم الساعه11 اقعدشويه علي النت اتعلم مهارات في الكمبيوتر والبرامج لغايه الساعه 2 وبعد كده اروح الصاله الرياضيه لغايه الساعه5 وبعد كده اريح ساعه في البيت انزل مع اصحابي ارجع البيت في حدود 2 او3 وبكده اليوم خلص
وبالطبع انا من النوع الاول

[ندعوك للتسجيل في المنتدى أو التعريف بنفسك لمعاينة هذا الرابط]

**الزعيــم**

بصراحة بقى
انا نفسى اشوف الأجازة
دلوقتى بعد ا الحياة الجامعية خلصت ليها اربع سنين
ماشوفتش حاجة اسمها اجازة
كلها ايام مايعلم بيها الا ربنا

cry

ربك لما يريد احلامنا هتحقق ...وكلامنا هيتصدق ... والغايب هيعود
ربك لما يريد هلاقيك بتقربلى ...تفتح حضنك قبلى ...ولافيه بينا حدود
______________________________________
حينما اتذكرك اشتاق اليك ويزداد حنينى واشعر بانك تشعر مابى
واجدنى خلف تلك الأسوار اريد الوصول اليك ... ولكن كلى ثقة بأنك تشعر بوجودى معك

**بنت مصر**

الف شكر لكل من
PRINCESS
الفرعون العاشق
SEWAR101
MAX
الزعيــم
علي ردودهم التي اعطت للموضوع ثقله

[ندعوك للتسجيل في المنتدى أو التعريف بنفسك لمعاينة هذا الرابط]

**بنت مصر**

الزعيــم كتب:

بصراحة بقى
انا نفسى اشوف الأجازة
دلوقتى بعد ا الحياة الجامعية خلصت ليها اربع سنين
ماشوفتش حاجة اسمها اجازة
كلها ايام مايعلم بيها الا ربنا

وانا كمان والله زيك برضه يا بشمهندس نفسي اشوف الاجازه ولو من بعيد حتي

[ندعوك للتسجيل في المنتدى أو التعريف بنفسك لمعاينة هذا الرابط]

عصام محمود

فى الحقيقة أن هذا ما دوما أضعه فى ذهنى لعمله فى الأجازة ولكن قلما يتحقق أو يتحقق ولكن ليس طوال الأجازة
الجانب السلوكى
محاولة التخلص من اى عادة سيئة

الجانب الدينى
مراجعة المحفوظ من القرآن الكريم
متابعة تعلم أحكام القرآن الكريم مع الحفظ والقراءة فى التفسير والفقه والسيرة النبوية المطهرة

الجانب الثقافى
القراءة وخصوصا الروايات العالمية والرويات الجميلة وقد أتطرق إلى النواحى العلمية ولكن فى الحقيقة غالبا ما تكون بعيدة عن مجال الهندسة

الجانب الرياضى
الإنتظام فى تدريبات اللياقة البدنية وكرة القدم

محاولة الإرتقاء بمستواى فى الشطرنج وهذا العام بإذن الله أنتوى الإشتراك فى أحد نوادى الشطرنج الموجودة هنا

الجانب العملى
التدريب الصيفى فى المواقع المدنية

شارك معنا فى حملة مكافحة الأغانى هنا

**بنت مصر**

بما أن مارثون الامتحانات أوشك علي الإنتهاء
وانتهي بالفعل لدي البعض
فدعونا نجدد التنافس
ونري كيف يمكننا أن نقضي إجازه مفيده وسعيده
فهل من مشارك ؟؟؟؟

[ندعوك للتسجيل في المنتدى أو التعريف بنفسك لمعاينة هذا الرابط]

الحجازى

اقضى الاجازه
فى قراءة الكتب
مشاهدة التلفاز
والحظ الوفر بالتأكيد للنوم
الذى لطالما انتطرنا اللحظه التى تأتى لننام فيها
نومة هنيئه
بس الاجازه دى ان شاء الله هغير السيستم
بالتقليل من عدد ساعات النوم
واستغلالها فلى اشياع اخرى مفيده كحفظ القران

**بنت مصر**

شكراً بشمهندس الحجازي علي مشاركتك

واتمني لك وللجميع اجازه سعيده ومفيده

[ندعوك للتسجيل في المنتدى أو التعريف بنفسك لمعاينة هذا الرابط]

khalid DXB

هي الاجازه المفروض تكون موازنة بين النوعين يعني مش انام اليوم كله ولا اشتغل اليوم كله ماهيه اسمها اجازة يعني انام الوقت الي يكفيني 8ساعات تقريبا واستفاد بالباقي من خلال ممارسة الرياضة والدخول على النت وياسلام لو في تدريب صيفي واستغل بعض الوقت لحفظ ما تيسر لي من كتاب الله فهذه فرصة لن تجدها بعد ذلك واقعد مع صحابي وكده وفي حاجات كتير تانية تختلف من واحد لاخر على حسب طبيعة المكان والحالة بتاعته

free_matrex2010

انا تجربه محزنه نت وانام بس