كل واحد يشارك بخبرته في الكليه

**MISS_R**

تذكير بمساهمة فاتح الموضوع :

عندي اقتراح يارب يعجبكم انا بفكر نفتح باب الحوار علشان كل واحد يدخل ويدي خبرته في الكليه بمعني انه يحكي عن الصعوبات اللي كانت بتواجهه في مواد الدراسه المختلفه وازاي قدر يتغلب عليها ويحكي عن خبرته في التعامل مع الدكاتره والمعيدين بمعني انه يحكي عن الاسلوب الامثل للتعامل مع كل واحد منهم مثلاً ايه اللي بيتضايق منه وايه اللي بيعجبه واكيد مثل هذه المعلومات حتفيد كتير من الطلبه وبالاخص الطلبه الجدد و ياريت خريجيين الكليه يشاركوا معانا لان رأيهم اكيد هيكون عن خبرة كبيره.

نقول بسم الله الرحمن الرحيم
.......
ونبتدي الحوار

**الحبار**

إقتراح حلو يا بشمهندسه بس الأخوه الطلبه خبراتهم وتجاربهم بتبقى أقل شويه من الأخوه خريجى
الكليه ومن إحتكوا بالجانب العملى.
لذلك لو تسمحيلى إنك تعدلى فى الموضوع ويبقى بالشكل التالى
إنى كل متخرج يحكيلنا إزاى أتصرف بعد متخرج من الكليه من حيث الشغل وإزاى لقى فرصة عمل وايه الكورسات والأشياء اللازمه فى سوق العمل وأيه اللى أحنا المفروض نتجنبه فى الحياه العمليه اللى إن شاء الله هنقبل عليها وبرضو لو عاوزين يفيدونا بجانب من التجارب من داخل الكليه من حيث التعلم والمشاكل اللى قبلتهم وقدرو يحلوها وبخصوص طريقة التعامل مع الدكاتره فأعتقد إنه لازم يبقى فيه جانب من الاحترام المتبادل لسير العمليه التعليميه بشكل فعال وإنطباعى أنا شخصيا عن دكتور معين ممكن يكون كويس وأنتى تبقى على العكس تماما من رؤيتى وتفكيرى وإنطباعى عنه فيعنى لو نناقش مشاكل المواد هيبقى أفضل.

وااسف كثيرا لتأخرى فى الرد لإنشغالى ببعض المهام.

**MISS_R**

شكراً جداً يا بشمهندس علي الرد وانا عندما اقترحت هذا الاقتراح لم اكن اقصد الانطباع الشخصي عن الدكتور انما قصدت كيفيه التعامل المثلي معه وما هي أكثر الاشياء التي تثير غضبه حتي نتجنبها وانا كنت اقصد بالخبره كل ما قابل الخريجين والطلبه اللي أكبر مننا من مشكلات ومتاعب داخل الكليه بصفه عامه واذا اراد أحد الخريجيين التحدث عن خبراته في مجال العمل فسيكون ذلك أضافه جيده للموضوع

himmle8

أحب أنضم الى Miss_R فى شكر جميع من يكبروننا سنا على هذه النصائح الاكثر من غالية

و اشكرها هى شخصيا على طرح هذا الموضوع المهم ، جزاها الله و اياكم كل خير .

كويس

**MISS_R**

شكراً جداً يا himmle8علي ردك الجميل وعلي مرورك

SEWAR101

أحب أوضح لكل الأعضاء أن الحل الوحيد في مشكلة الدراسة هو تنظيم الوقت و أستثماره استثمار جيد.........
يعني لازم تنظم وقتك على حسب جدولك و لازم تنتظم في الحضور و كمان تحضير الموضوع قبل المحاضرة شيء أساسي و بيساعد على زايد نسبة استيعابك للمحاضرة و حاول على قدر الأمكان أنك تقرا ....
فالحل من واقع الخبرة هو : تنظيم الوقت ثم تنظيم الوقت ثم تنظيم الوقت..............

**YAMEN** · موضوع: رد الخميس مايو 01, 2008 7:40 pm

بصراحة اشكر جدا اختي الباشهندسة Miss R عالموضوع وكل من ابدى رايه

انا من خريجي اسوان دفعة 2002 طبعا المفروض كنت اكون من خريجي تاني دفعة يعني دفعة 2001 بس الحمد لله
انصح اخواني واخواتي وانا اسف اني هاخص بالذكر قسم مدني ببعض الكورسات والبرامج الهندسية اللازم معرفتها ومنها التالي :-
* AutoCad ومش مهم 3d عادي 2d كافي .
* ساب 2000
* بريمافيرا ( اصبح مطلوب بشدة لاي مهندس مدني )- سنويا توجد دورؤات بجامعه القاهره ورخيصه كمان .
* STAAD
* يا ريت Office عشان المهارات المكتبية على الاقل Word و Excel
* Surfer

يتبع......

**ENG_GODZELA**

مقالة:

بصراحة اشكر جدا اختي الباشهندسة Miss R عالموضوع وكل من ابدى رايه

انا من خريجي اسوان دفعة 2002 طبعا المفروض كنت اكون من خريجي تاني دفعة يعني دفعة 2001 بس الحمد لله
انصح اخواني واخواتي وانا اسف اني هاخص بالذكر قسم مدني ببعض الكورسات والبرامج الهندسية اللازم معرفتها ومنها التالي :-
* AutoCad ومش مهم 3d عادي 2d كافي .
* ساب 2000
* بريمافيرا ( اصبح مطلوب بشدة لاي مهندس مدني )- سنويا توجد دورؤات بجامعه القاهره ورخيصه كمان .
* STAAD
* يا ريت Office عشان المهارات المكتبية على الاقل Word و Excel
* Surfer

يتبع.....

ونحن ننتظر منك كل ماهو جديد وتنقل لنا خبرتك حتى يستفيد منها خوانك الطلبة جزاكم الله خيرا

الخائفون لا يصنعون الحرية والضعفاء لا يجلبون الكرامة والمترددون لن تقوى ايديهم المرتعشه على البناء

**YAMEN** · موضوع: رد الخميس مايو 01, 2008 7:45 pm

طبعا بما ان كتير من اخواني واخواتي في اعدادي

كتير منكم بيخافوا من قسم مدني بسبب الرسم الهندسي اللي في اعدادي
انا كنت كدا زيكم لكن واحد اكبر مني قال لي كلمة ومش هنساها وانا بالتالي بقولها لكم
الرسم يا اخواني اللي في اعدادي هوا رسم ميكانيكا ....
رسم مدني صدقوني اسهل من كدا بكتير لكن عايز شوية تخيل لكن مش بالاحترافية بتاعت رسومات ميكانيكا
عموما كتير جدا دخلوا مدني وعروفوا كدا .

يتبع .......

**YeHi@$MmZ**

شكراً ليك يامن لنصايحك الغالية وفعلاً

انا سمعت الكلام دة كتيييير
ودة كلام صحيح 100%
ان رسم اعدادى غير رسم مدنى

طبعاً انا في كهربا بس سمعت من أصحابنا في مدنى

أنا خلاص دخلت ظابط احتياط لمدة 3 سنين_ مصر تقدر تنام مستريحة دلوقتى _ ربنا يبارك لها عمرها ما نسيتنا

أجمل مثل = لو لم أكن مصرياً لوددت أن أكون مهندساً لكن ما باليد حيلة

antomanii

السلام عليكم يا معشر المهندسين
النصيحة الوحيدة اللى اقدر اقدمها لكم .
مبدئيا أنا نظرتى فى التعليم المصرى مش قد كده.
والسبب هنا مش الحكومة لوحدها ,لا بل ان الجزء الاكبر يرجع للاسرة المصرية
أولا : اخى واختى يجب اولا ان تمحى من دماغك فكرة المركز الاجتماعى والمال والنفوذ, لان هى دى اللى بتخليك تختار الكلية الغير مناسبة لقدراتك وابداعاتك.يعنى ماتفكرش لو دخلت الكلية دى هاتوظف ازاى ,او هاخد مرتب اد ايه ,او هايبقى مركزى ايه فى بلدنا.

ثانيا: شيل من دماغك خالص مسمى (كليات القمة),اى كلية هتانسبك وتحقق فيها أنجاز ليك ولبلدك هتبقى كلية قمة.
يعنى لو انت موهوب فى توصيل المعلومة ,تدخل كلية تربية وتبقى مدرس تعلم اجيال تانية بطريقة صحيحة أحسن ماتدخل طب ولا هندسة وتبقى برضه مهندس كويس بس ماضفتش حاجة للمجال ده.

يا جماعه الفرد هو اللى بيعطى القيمة للشئ مش العكس
انت لو دخلت اى كلية حتى لو بتقبل 55% والكلية تناسب قدراتك وهاتقدر تبدع فيها وتضيف شئ للمجال ده. احسن ماتدخل كلية بتقبل من 100% وتطلع زيك زى غيرك من اللى قبلك ويبقى(العدد فى الليمون).
صدقونى لو كل واحد عمل كده البلد دى هاتبقى احسن واحنا هانبقى احسن

قلب الوطن مجروح.............................لا يحتمل أكتر
نهرب وفين هانروح............................لما الهموم تكتر

safy

بجد شكرا على نصائح اخواتنا الكبار و منكم نستفيد

**YAMEN** · موضوع: رد الخميس مايو 08, 2008 7:45 pm

اخواني واخواتي

بما انكم الان على مشارف الاختبارات دعواتي لكم جميعا بالنجاح
ولكن ليا مطلب هام يا ريت بجد تنفذوه
والله والله والله هيفرق كتير جدا جدا جدا في حياتك التدريب الصيفي
صدقوني وعلى الاقل تنشغلوا بماهو مفيد في الاجازة الصيفية
ثانيا :- ليس المطلوب من اي مهندس يفكر نفسه هيتخرج وهيبقا مدير عام
سيادتك لازم تثبت نفسك انك مهندس ناجح او مهندسة ناجحة من اول يوم لتخرجك
وخلي بالكم خطواتكم محسوبة عليكم يعني تصرفك محسوب عليك
لبسك - هندامك - ضحكك - زعلك - بالعامية امتا تشد وامتا ترخي - سوري لو الفاظي هتزعل حد منكم
خليك على طبيعتك لكن لا تتجمل - لا تتكبر على خلق الله - صدقوني التواضع اهم شيء في الشغل لكن بحساب ايضا يعني لا تترك الحبل على الغارب كما يقولون
وتذكر اخيرا فانت ( مهندس ) انت واجهة لعائلتك - بيتك - مجتمعك - مدينتك - بلدك - دينك
شوف كدا لما يجي ضابط ويشوف البطاقة او الكارنية بتاع النقابة وشوف هيعاملك ازاي
انظر فخر ابيك وامك وعائلتك بل وحتى الشارع الذي تقطن فيه بك -
انظر فخرك بنفسك عندما ترى احدهم في الخارج ويسالك عما تعمل فتقول او تقولي انا مهندس او مهندسه -
سترى نظرة الاعجاب - نظرة فخر لبلدك - نظرة انه يتحدث لانسان عاقل واعي معاصر ملم بكل احداث الدنيا
بس مش عمال على بطال تقول لا انا مهندس وتتكبر ثانيا فتذكر انت انسان اولا واخيرا

**ENG_GODZELA**

YAMEN كتب:

اخواني واخواتي

بما انكم الان على مشارف الاختبارات دعواتي لكم جميعا بالنجاح
ولكن ليا مطلب هام يا ريت بجد تنفذوه
والله والله والله هيفرق كتير جدا جدا جدا في حياتك التدريب الصيفي
صدقوني وعلى الاقل تنشغلوا بماهو مفيد في الاجازة الصيفية
ثانيا :- ليس المطلوب من اي مهندس يفكر نفسه هيتخرج وهيبقا مدير عام
سيادتك لازم تثبت نفسك انك مهندس ناجح او مهندسة ناجحة من اول يوم لتخرجك
وخلي بالكم خطواتكم محسوبة عليكم يعني تصرفك محسوب عليك
لبسك - هندامك - ضحكك - زعلك - بالعامية امتا تشد وامتا ترخي - سوري لو الفاظي هتزعل حد منكم
خليك على طبيعتك لكن لا تتجمل - لا تتكبر على خلق الله - صدقوني التواضع اهم شيء في الشغل لكن بحساب ايضا يعني لا تترك الحبل على الغارب كما يقولون
وتذكر اخيرا فانت ( مهندس ) انت واجهة لعائلتك - بيتك - مجتمعك - مدينتك - بلدك - دينك
شوف كدا لما يجي ضابط ويشوف البطاقة او الكارنية بتاع النقابة وشوف هيعاملك ازاي
انظر فخر ابيك وامك وعائلتك بل وحتى الشارع الذي تقطن فيه بك -
انظر فخرك بنفسك عندما ترى احدهم في الخارج ويسالك عما تعمل فتقول او تقولي انا مهندس او مهندسه -
سترى نظرة الاعجاب - نظرة فخر لبلدك - نظرة انه يتحدث لانسان عاقل واعي معاصر ملم بكل احداث الدنيا
بس مش عمال على بطال تقول لا انا مهندس وتتكبر ثانيا فتذكر انت انسان اولا واخيرا

الخائفون لا يصنعون الحرية والضعفاء لا يجلبون الكرامة والمترددون لن تقوى ايديهم المرتعشه على البناء

eng_mms

بصراحه الموضوع شيق وجميل ومفيد للغايه احب ان اشكر واحده من اعمدة المنتدى مس_ار على مجهودها الرائع
وانا بصراحه اول سنه في الكليه مكنش في اى مشكله معاى بس نظرا لانطوائي وعدم معرفتى بعدد كبير من طلاب الكليه حدثت معى مشكلة حينما نجحت في اول سنه ولم استطيع ان اقرر اى من اقسام الكليه اختار ولم اجد من يفيدنى في ذلك.
واتمنا انى استفيد من اخوانى امثال المهندس يامن في الحياة العمليه بعد التخرج وارجو منه بما انه مهندس مدنى انه يشرح طبيعه قسم مدنى والمواد اللى يجب التركيز فيها وهل القسم ده يناسب البنت في الحياة بعد ذلك ام انه عاق لها ؟
وبالمثل في جميع الاقسام من اخوانى الطلابه والخرجيين
واعتذر على الاطالة ولكم جزيل الشكر
السلام عليكم

العبدلله

موضوع ممتاز يابشمهندسة وان شاء الله هنعرض بعض المواقف والايجابيات والسلبيات