كرسى الإعتراف على الطريقة الهندسية (أرشيف)

**الحبار**

تذكير بمساهمة فاتح الموضوع :

السلام عليكم ورحمة الله وبركاته

هنيئا ومباركا عليكم الإنتهاء من إمتحانات نصف العام "يناير 2009" والتى

تمت بها "بسترة عقولنا" وأصبحت تعتريها شبه رعشه وعطل فنى لما تكبدته

من أهوال ومفاجآت الإمتحانات التى عادة ما نحياها بتكرار الإحساس بها وبديمومة الحياه نحن

معشر المهندسين والتى أتمنى لكم بها المزيد من التفوق والنجاح والصمود لما هو آت وهيهات الهروب منه.

أطرح على أعين سيادتكم لعبة "أو شبة لعبه "ليست بالجديده بل إنها منتشره بالكثير والعديد والطائل من المنتديات

والتى يمارسها جمهور غفير من أعضاء المنتديات والتى تستقطب الكثير والكثير من الأعضاء نظرا لطلاوتها وجمال

فكرتها الأساسية.

لن أطيل عليكم أخوتى فهى لعبة "كرسى الإعتراف" والتى سنبدأ بممارستها فى هذا الموضوع والهدف الأساسى منها

كشف الغطاء عن الكثير من الأعضاء وإبراز الشخصيات بمنتدانا وتداول الأفكار والتعامل من منطلق سرعة البديهه

وذكاء السائل والمجيب بالإضافه إلى إضفاء روح المتعه والتشويق للمنتدى وكما أسلفت ذكرا بأننا خرجنا من معصرة

الإمتحانات ولا سبيل لدينا سوى القليل من الترفيه المسموح به دون خرقا للقوانين أو مضايقة الآخرين أو الإسفاف

فى الفكرة والتطبيق.

اللعبة لمن لا يعرفها وبالطبع سنضفى عليها الطابع الهندسى الذى دائما

ما نتميز بها عن الآخرين "وإن كانت لا تختلف كثيرا عن المتداوله"

أولا يتغير إسم اللعبه من كرسى الإعتراف إلى"كرسى الإعتراف على الطريقة الهندسية "وذلك حتى لا نشابه أحدا

أو نضاهى منتدى آخر.

ثانيا يتم إختيار عضوين إسبوعيا "وليكن يوم الأثنين والخميس من كل أسبوع فى الساعة التاسعة مساءا "على أن يتم

الإختيار الضحية "الشخص الذى سيسأل" عن طريق الإقتراع "فى حالة كثرة المشتركين معنا باللعبه" أو بالإختيار

فى حال قلة عدد المشاركين"أو الترشيح من قبل الأعضاء وآخذ الأصوات على أن يتم إعلام الضحية بدوره فى اللعبه

وضرورة متابعته لها".

ثالثا من حق كل عضو أن يسأل هذا الشخص خمسة أسئله يوميا "قابلة للزياده والنقصان" ويفضل عدم الإكثار لليوم

الواحد فيوجد أيام أخر وأن يترك المجال للآخرين لإتاحة فرصة السؤال للجميع.

رابعا يتم السؤال فى أى شىء للعضو دون المساس أو التطرق للأمور الشخصيه جدا أو ذكر شخصيات عامه أو أفراد بعينهم وما دون ذلك فمسموح به.

خامسا على الشخص الذى تم إختياره التواجد خلال هذا الأسبوع والدخول للموضوع يوميا والرد على أسئلة الأعضاء وإستفساراتهم"على ألا تتعدى فترة الغياب 36 ساعه "وإلا سيتم إلغاء دوره وينتقل إلى شخص آخر ويحرم الغائب من اللعبه.

سادسا يفضل عدم إرسال مشاركتين متتاليتين إلا للضروره القصوى وذلك حتى لا يتضحخم الموضوع دون فائدة

واضحة.

سابعا بعد إختيار العضو "الضحيه" وإبلاغه يرسل بالموضوع ردا ..مشاركه يعنى ..تحتوى على قسم نصه

"والله العظيم لأقول الحق" وذلك حتى لا يتم التلاعب بالإجابات والتذكر دائما بأن الحق لا مفر منه وحتى تصبح اللعبه

صادقه وبعد ذلك يبدأ بالإجابه كما يحلو له.

ثامنا يمكن سؤال العضو عن إسمه الشخصى فقط وقسمه بالكلية فقط أما أكثر من ذلك فلا وإن أزاد العضو فمنه أما

غير ذلك فهو ممنووووووووع .

تاسعا يوضع إسم العضو بالبوابة "من عليه الدور" لسهولة الإتصال

ولمعرفة مين عليه الدور وتسبقه عبارة "الدور الدور الدور الدور..موعوده ياللى عليكى الدور"

ويضاف ببيناته أيضا أنه من عليه الدور.

عاشرا التعامل يكون من منطلق الزماله وروح الدعابه الجميله حتى لا تصبح اللعبه ممله وتؤتى ثمارها والتى أسلفت

ذكرها من معرفة الشخصيات وإضفاء جو من المرح وتكوين أسره واحده نتعامل من خلالها كما ينبغى

ولنبدأ على بركة الله

يلا بقى مين عليه الدوووووووور

ومين هيلعب ويشترك معااناااااااااااا

؟؟؟؟؟؟؟؟؟

مقالة:
تم التعديل إلى عضوين بالأسبوع الواحد يومى الأثنين والخميس الساعة التاسعه مساءا

فهرسة الأعضاء اللى قعدوا على الكرسى بروابط أسئلته

miss Egypt

Eng Godzella

Fatma

Eng Hossam

Princess

Eng Ghost

gumus

YeHi@$MmZ

Terminator

Miss Esadora

edbs

بنت مصر

flying baby

Crazy Girl

MIDO

Miss_R

Saso al safrota

Love to life

Professor

Leave Me alone

الحبار

أحمد سيد

إهداء الكاشف

Marawan elkhateb

ShimZ

___________________________________________

الآن الشطحة الرابعة عشر بعنوان " أصول الأصول !! " هنــــــــــــا

**ENG_GODZELA**

free_matrex2010 كتب:

السلام عيكم ورحمه الله وبركاته
وعليكم السلام ورحمة الله وبركاته
ازيك زازى جهازك جاوب على الامتحان ده
تمام طلع عينى عقبال ماقدرت اشغله
2-باقة ورد لمن تهديها ...؟؟
لوالدي ووالدتى
3-5- شخص لاترفض له طلبا ..؟؟
والدى
والدتى
اخواتى
اعز اصحابي
قرايبى
4- من هو توأم روحك ...؟؟
لا يوجد
5-مالذي يشعرك بأكثر قدر من الحرج...
التقصير في اداء الواجب
6-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
من صديقي اسامه عاشور كان اعز صديق لى عندما كنت في السعودية وهو مصري ومقيم الان في بنى سويف بقية الفشن
7-- من هو العضو اللي يستحق انه تقول عنه محبوب بين الاعضاء ؟
هما كتير الصراحة بس ممكن نقول princess
8-مين بنظرك بيعمل بجهد بالمنتدى
صراحة بردوا ناس كتييييييييييييييييييييييير شغاله حلو في المنتدى وممكن نقول على سبيل المثال اسماعيل eng_gost
ان شاء الله تعجبك الاسئله
اه طبعا عجبتنى مرحبا بك في اي وقت
حجيلك تانى بس الظاهر ان الاسئله الاولى مش عجباك
لا عيب عليك بس معلش ببقي مشغول ساعات

___________________________________________

الخائفون لا يصنعون الحرية والضعفاء لا يجلبون الكرامة والمترددون لن تقوى ايديهم المرتعشه على البناء

**ENG_GODZELA**

Leave Me Alone كتب:

ألف حمد لله على سلامة جهازك

نبتدى يا معلم
*أولا اللى فات
1-لو عملت فلاش باك لموقف أيه هوا؟؟
هو لو عاوز ارجع كنت هرجع لسنتين المعهد عشان اربي اللى ماسكين المعهد لانهم بيستغلوا جهل الطلبة وياكلوا حقهم وعلى سبيل المثال كان ممنوع داخل المعهد اى طالب يشرح حاجة للتانى وخد عندك كمان لو جيت تستلف كتاب من المكتبه لازم تكتب طلب ويحتوى الطلب على ضامنين الضامن الاول لايقل درجته الوظيفية عن الدرجة التامنه والضامن الثانى لا يقل درجته الوظيفية عن الدرجه التالته لو رجع بيا الزمن كنت علمتهم الادب على اصوله
2-حاجه عملتها نفسك يرجع بيك الزمن لورا ومتعملهاش؟؟؟
سيبت حفظ القران الكريم
3-حبيت قبل كدا؟؟
ايون
*ثانيا اللى جاى(بأذن الله)
1-نفسك تعمل أيه ف حياتك؟؟
ابقي انسان ناجح وجودى في احياة ليه فايدة اقدر اساعد الناس بكل ماؤتيت من قوه والاهم من ده كله ان والدى ووالدتى يكونوا راضيين عنى
2-ربنا كرمك بولد حتسميه أيه؟؟ولو بنت حتسميها أيه؟؟
محمد ولو بنت امنية لانى بحب اسم امنية
*علاقات عامه
1-علاقة أيه بالكوره؟؟
بحب اتفرجت على الماتشات الدوليه فقط
2-أذكر لينا أصحابك ؟؟
اصحابي كتييييييييييييييييييييير والحمد لله ممكن اقعد لغاية بكره احكيلك هقولك على حاجة ممكن ماتصدقهاش ان ذاكرة الهاتف والشريحة اصبحت مليانه من كتر الارقام اللي فيها مش عارف لو فيه ارقام جديده هحطها فين

*المنتدى
1-أيه أقسام جديده نقسك تضيفها ف المنتدى؟؟
قسم السياحة في اسوان قسم بيعرف باسوان وكل حاجة فيها وتبقي زى دليل لاي واحد يزور اسوان وخصوصا المغتربيين
2-مشرف من وجهة نظرك يسمح يمسك قسم؟؟مين ؟؟وقسم أيه؟؟

3-معاك6 ساعات و 4 دباديب و وردتين حتديهم لمين؟؟
الساعه الاولى لوالدى والتانيه لوالدتى والباقي لاخواتى والاربع دباديب دول هشيلهم عشان ااما اخطب ابقي كل فتره اطلعلها واحد واو يبقي بنوفر ولا ايه اما الوردتين واحده الى امى والتانية الى اختى بمناسبة الزواج
4-أيه رأيك ف طريقة أغلاق قسم الحب ؟؟وأيه رأيك ف القسم؟؟
هو القسم صراحة بالنسبة لى انا شخصيا مش حابه او بحسه مضيعه للوقت وكل كلامه كلام في الهوا بالنسبة لطريقة القفل انا معرفش اللى حصل بالظبط بس لازم يكون فيه مشورة وتبليغ لمشرف القسم قبل القفل وفكرة الاستفتاء كانت فكرة كويسه وخطوة جيده وكنت اتمنى ان ناس كتير تخش تصوت بس للاسف مكنش فيه اقبال
5-مين؟؟ بدون دبلوماسيه يا جودز(يعنى لازم تذكر أسماء)
والله يخونا الاعضاء في المنتدى بحترمهم جدا ومش عاوز ازكر اسم حد عشان مش اظلم حد منهم بس اللى هقوله ده مش قاعده ده على سبيل المثال
-عضو مميز
بنت مصر
-عضو عبقرى
زايد
-عضو بيضايقك
العضو التافه
-عضو ذكى
الحبار
-عضو خنيق
العضو الغبي
-عضو نشيط
اسماعيل
-عضومحبوب
miss_r
--عضو رذل
العضو اللى مش بيفهم
6-رشح
-مدير جديد
مش عارف هنلاقي حد زى الحبار ولا
-مشرفين جدد وعلى أى قسم
الحجازى قسم كلام في السياسه
-نائب جديد
بنت مصر
-مراقبين جداد
احمد خالد بن الوليد
*أى حاجه بقى
1-نمت وصحيت لقيت ف سيجاره ف أيدك وباباك داخل عليك الأوضه؟
ههههههههههههههههههه
استحاله ياعم تحصل لانى مش بطيق السجاير ومش بتدخل بتنا بس هو فيه مره واحد صاحبي كان واخد السويتر بتاعى ونسي علبة السجاير فيه ووالدتى شافتها قعدت تعيط وتزعق في نفس ذات الوقت بس اما هديت اقتنعت انى مش ممكن احط حاجة مقززة زى كده في فمى
2-غمضت عينك فتحتها لقيت نفسك ف الصحرا وقدامك أسد ؟؟
حتشهد واقعد اقرا عليه اعوذ بكلمات الله التامات من شر ماخلق وممكن ادخل معاه في مفاوضات ابسس له انونو له كده ياعنى اروح اجيبله دليفري من كنتاكى اظبط الراجل ياعنى عشان يرضي عنى
3-أيه القنوات اللى بتتفرج عليها ؟؟وبتتفرج على أيه؟؟
قنوات الاخبار وقنوات اللى بتعرض الافلام الوثائقيه وممكن ساعات الافلام الاجنبي والكرتون وساعات العربي
الجزيرة الوثائقيه وقناة العقاريه وbbc arabic و mbc اللى بتعرض افلام اكشن
4-كلمه أثرت فيك؟؟
مهندس
سؤال خاص بيا بقى
أيه من وجهت نظرك اللى مخلى الناس تتخيل أننا أخوات ممكن يكون الجدزله أو الهوضبه مثلا
هههههههههههههههههههه
مش عارف ودى حاجه تفرحنى وشرف ليا ان ده يحصل بس الصراحة مش عارف يمكن عشان النضارة
حفتكسلك كام سؤال
وأجيلك

___________________________________________

الخائفون لا يصنعون الحرية والضعفاء لا يجلبون الكرامة والمترددون لن تقوى ايديهم المرتعشه على البناء

**ENG_GODZELA**

Eng_HOSSAM كتب:

جودزيلالالالالالالالالالالالالالالالالالالالالالالالالالالالالالالالالالالالالالالالالالالالالا

حبيب هارتي

بصراحه انا شايف انك اتعصرت بما فيه الكفايه فأنا مش هاتقل عليك عشان انت عارف غلاوتك عندي بس

بص يا زعيم :

1- هل ممكن تحكم علي شخص من غير ما تتعامل معاه ؟ وياتري لوبتعمل كده هل بتقبل ان اي حد يحكم عليك من غير ما يتعامل معاك ؟
اه بس ده حكم ابتدائي وممكن يتغير مع التعامل
دى حاجة ترجع له وماتفرقش معايا بس انا بتعامل مع الناس لانى بدرك انى بالنسبه لهم صندوق اسود مايعرفوش عنى حاجة وبحاول اكسب ثقتهم واحترامهم عشان اقدر اتواصل معاهم
2- ايه اكتر موقف عملته خليت السيد الوالد هيطق منك ؟
اوووووووووووووووه كتير ابسطها انى بقعد على الكمبيوتر وخد عندك كام انى ممكن اقعد بره البيت بتاع يوم او اتنين من غير ما اقول لهم انا فين
3- هل زعلت والدتك قبل كده ؟ وكان ايه السبب ( اختياري) ؟ وازاي صالحتها ؟
اه كل شوية بس هى على طول بتزعل عندك على سبيل المثال انى مش بحب اشترى طلبات لانى عاوزانى افاصل وانا مش عندي خلق بفاصل على حسب الغزاله عندية بصلها انى ببوس ايديها وراسها واراضيها بكلمتين حلوين

4- لما تتخرج ان شاء الله وتبقي بشمهندز قد الدنيا ... نفسك تتخصص ف ايه من فروع الهندسه المدنيه ؟ وهل ده بدافع سوق العمل يعني الشغل اكتر وكده ولا حبك ف التخصص ده ؟
المنشأت الخرسانية الخاصة هو الاتنين اولا نفسي ابقي اعمل في مجال التصميم لانه معظم بتوع مدنى بيشتغلوا تنفيذ وده اى حد بيعمله حتى لو كان خريج صنايع انما التصميم محدش يعمله غير المهندس ثانيا مجال التصميم مفيش ناس كتير ماشيه فيه فسوق العمل فيه ارض خصبه ان الواحد يقدر يعمل حاجة فيه وصراحة الدكتور هانى والدكتور محمد سيف والدكتور محمد عمر حببونى في المجال ده وان شاء الله هيبقي مشروعى السنه الجاية خرسانه خاصة
5- هترشح نفسك ف رئاسة اتحاد الطلبه السنه ايلي جايه ولا ايه ؟
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
اولا الطلبة سلبيه ثانية مافيش حاجة حتتغير لانه عشان يحصل تغيير لازم التغير يبقي من فوق وانت ناااااااازل على راي اعلان شيفورليه بس ممكن اساعد رئيس الاتحاد لو حسيته عاوز يعمل حاجة لانى بجد في دماغي افكار كويسه للطلبه بس محدش بيساعد
6- ايه اكتر حاجه ممكن يعملها اعز اصحابك بتنرفزك وممكن تخليك تسيبه وتمشي ؟
انه يهينى او يقلل احترامه ليا
7- منتظم ف حضور المحاضرات و السكاشن ؟
هو محاضرات الساعه 8 غالبا باجى متاخر ولو الدكتور مش بفهم منه حاجة ممكن مش اجى خالص بس انا لازم اعرف ايه اللى حصل في المحاضرة لانى ببيبض المحاضرات كلها عشان بتساعدنى اثناء الدراسه في الفهم وان شاء الله هتساعدنى اما اتخرج وبالنسبة للسكاشن الحمد لله بحضر ومش بفوت ولا سكصن ممكن اغيب واحد او اتنين بالكتير لان مهما كان نشاطى الطلابي في الكلية فحضور المحاضراات والسكاشن في الكلية هو السبب الرئيسي لوجودي فيها وما دونها هي اسباب ثانوية
8- مش بتحب الكوره ليه ؟؟ او مش مهتم بيها يعني ؟
مش عارف بس انا بحب اتفرج على الماتشات الدوليه ده غير الفرق المصريه بتجيب الواحد الشلل
9- لو تحب تسافر بره مصر؟ تحب تروح فين ؟ واشمعني ؟ وياتري تحب ترجع تاني مصر بعد ما سافرت ؟
اروح السعودية وبالتحديد مكه او المدينه عشان بحب اكون في رحاب احد هاتين البلدين اه طبعا البلد دى غريبه تقعد تقرفك وتطلع عينك واما تطلع منها تحس انك عاوز ترجع لها تانى
10- ياتري ايه مواصفات المهندس المثالي من وجهة نظرك ؟
مهتم بدراسة وفاهم كويس هو بيدرس ايه ليه علاقات اجتماعيه كويسه انسان لبق وطموح يعمل تحديث لمعلوماته كل فتره عقليه متفتحة قابله للنقاش والتحاور
وكفايه كده عليك يا كبييييير عشان متكرهنيش بس

سلالالالالام

___________________________________________

الخائفون لا يصنعون الحرية والضعفاء لا يجلبون الكرامة والمترددون لن تقوى ايديهم المرتعشه على البناء

**Leave Me Alone**

أفعد يا جودز وأستريح

أخرتك بعد ما تخلص

___________________________________________

لتنمية العقول ورغبتا فى التطوير قررنا تنظيم مسابقة كورد أسوان
ما هى مسابقة كورد؟؟
للأشتراك فى مسابقة كورد أسوان

**ENG_GODZELA**

Leave Me Alone كتب:

أفعد يا جودز وأستريح

أخرتك بعد ما تخلص

هههههههههههههههههههههههههههههههههههههههههههههههههههههههههههههههه ماشي ياعم

___________________________________________

الخائفون لا يصنعون الحرية والضعفاء لا يجلبون الكرامة والمترددون لن تقوى ايديهم المرتعشه على البناء

**MISS_R**

بشمهندس مصطفي ... كلاكيت تاني مرة ... يا هلا يا هلا lol!

تسمحلي أسألك أسئلة بسيطة جدااً ومش حطول عليك

1 - ماهي اكبر مخاوفك الآن , وفي المستقبل؟؟ وما هو أصعب قرار اتخذته في حياتك ؟؟ وهل فيه قرار اتخذته وندمت عليه ؟؟
2 - اذكر لنا موقف طريف وموقف محرج حصلوا معاك ؟؟
3 - ايه اكثر مادة بتحبها واكثر مادة بتكرها في مواد مدني ؟؟ وليه ؟؟
4- رأيك في أفضل عشرة أعضاء بالمنتدي ؟؟ بكل صراااااحة
5- شخصية شوفتها وحلمت انك تكون زيها فى يوم من الايام ؟؟ وهل اقتربت من الحلم ولا لأ؟؟ وما هو سبب اختيارك لهذه الشخصية بالذات ؟؟
6- هل قابلت شخصية من المنتدي في الحقيقة وخاب ظنك فيها " طبعاً بدون ذكر أسماء " ؟؟ وبعد ما عرفتها علي الحقيقة هل غيرت من طريقة تعاملك معها ؟؟
7- ايه السؤال اللي كان نفسك حد يسأله ليك او كنت متوقع ان حد يسأله ليك ومحدش سأله ؟؟ وياريت تجاوب عليه ان أمكن ؟؟
8 - نفسك مين يقعد بعدك علي الكرسي ؟؟؟

ندخل بقي علي الأسرة والكلية ...

9 - هل أنت شايف انك عملت كل اللي كان نفسك فيه في الأسرة السنة اللي فاتت ؟؟ وايه الحاجات اللي كان نفسك تعملها ومقدرتش أو الظروف كانت ضدك ؟؟
10 - ناوي ان شاء الله تمسك مقرر الاسرة العام القادم ولا حترشح حد غيرك ؟؟ نفسك تعمل ايه للاسرة السنة اللي جاية ؟؟ وايه الافكار اللي عندك للاسرة ؟؟
11 - لو قلتلك قيم الاسرة بنسبة مئوية كأنك طالب في الكلية مش مقرر للأسرة حتديها نسبة كام في المية ؟؟ والاسرة بتفيد الطلبة بنسبة كام في المية ؟؟

ندخل بقي علي أخر حااااجة الباث واي

12 - هل انت شايف أنك أستفدت من الباث واي الاستفادة المرجوة ؟؟ وايه اللي أستفدته من المنهج الاداري ؟؟ وايه سلبيات الباث واي وايجابياته ؟؟
13 - ان شاء الله الباث واي المرة دي هل ناوي تشارك فيه أكثر من المرة السابقة ؟؟ وهل عندك أفكار له هذه المرة ؟؟ وياتري ناوي تعمل ايه او تشارك بأيه في الباتش ده ؟؟

وكفاية كدة

وربنا يوفقك في حياتك ويكرمك في النتيجة

___________________________________________

ضع في يدي ّ القيد ألهب أضلعي
بالسوط ضع عنقي على السكّين
لن تستطيع حصار فكري ساعةً
أو نزع إيماني .. ونور يقيني
فالنور في قلبي وقلبي في يديْ
ربّي .. وربّي ناصري ومعيني
سأعيش معتصماً بحبل عقيدتي
وأموت مبتسماً ليحيا ديني

**ENG_GODZELA**

MISS_R كتب:

بشمهندس مصطفي ... كلاكيت تاني مرة ... يا هلا يا هلا lol!

تسمحلي أسألك أسئلة بسيطة جدااً ومش حطول عليك

1 - ماهي اكبر مخاوفك الآن , وفي المستقبل؟؟ وما هو أصعب قرار اتخذته في حياتك ؟؟ وهل فيه قرار اتخذته وندمت عليه ؟؟
هو طبعا المستقبل بيد لله هو انا مش خايف بس نقدر نقول قلق بقلق انى في المستقبل ماقدر اوصل للى انا عاوزه ومش اوصل للنتايج اللى عاوزها في تخطيط للمستقبل سواء المستقبل الوظيفي او الاجتماعي
اصعب قرار اتخذته كان بعد ماخلصت تانية ثانوي ومش جيبت مجموع كويس كنت محتار اكمل علمى ولا ادبي ولا ادخل صنايع واضحي بسنتين بس الحمد لله بتوفيق من ربنا اتخذت القرار الصح
ايوة فيه قرارات كتيرة خصوصا القرارات الكتير ة الى بتاجى من غير تفكير وترتيب
2 - اذكر لنا موقف طريف وموقف محرج حصلوا معاك ؟؟
الموقف الطريف ان بعد المعادله كنت روحت عند واحد صاحبي في القاهره وكان معايا خالد بدايه روحنا عند شقة صاحبنا ده وفي مره قولنا هنفطر وقولت لهم سيبولى موضوع الفطاره ده عليا روحت عملت لهم فول وحطيت عليه حبة طعميه وشوية حبشتكانات وروحت خليتهم ياجو يفطروا بعدها ببص على صاحبي ده لاقيته مدد جمب وراح في غيبوبه خالد كان بيكلمنى وفجأء لقيته فصل شحن اخو صاحبنا كان معاه معاد جه اكل معانا وبعدها الراجل يشرب في قهوه عشان يفوق مافيش شاي بردوا مافيش لغاية اما لاقيته راح في سايع نومه كان نفسي اعرف هو الفول كان مفعوله مؤثر كده
بالنسبة للموقف المحرج اما طلعت السد العالى وكان رفضوا يدخلوا طلبة الرحله السد على الرغم انى كنت مبلغهم قبلها بس ان شاء الله مش هيتكرر الموقف ده تانى عشان انا بعدها كلمت رئيس هيئة قطاع السد العالى وقال انى تصل بيه شخصيا اما يكون فيه رحلات عشان يوفر مهندسين للشرح
3 - ايه اكثر مادة بتحبها واكثر مادة بتكرها في مواد مدني ؟؟ وليه ؟؟
الخرسانة واكتر ماده بكرهها الهيدروليك عشان ماده رخمه وكلها حفظ قوانين
4- رأيك في أفضل عشرة أعضاء بالمنتدي ؟؟ بكل صراااااحة
صراحة فخور انى اتعاملت معاهم خلال المنتدى وصراحة كلهم محترمين واخوة افاضل
5- شخصية شوفتها وحلمت انك تكون زيها فى يوم من الايام ؟؟ وهل اقتربت من الحلم ولا لأ؟؟ وما هو سبب اختيارك لهذه الشخصية بالذات ؟؟
هو صراحة كتيييييير اللى شوفتهم وكان نفسي ابقي زيهم ممكن نقول على سبيل المثال الدكتور عبد المجيد هو مش درسلي بس اخلاقه العاليه وتمسكه بمبادئه حاجة ممتازة ومن ناحية قربت منها ده ادينا بنتعلم منه طول ماحنا في الكليه
سبب اختيارى لانه ببساطه شخصية محترمه تحترم الكيان البشري وتقدره رجل يستحق الاحترام والتقدير
6- هل قابلت شخصية من المنتدي في الحقيقة وخاب ظنك فيها " طبعاً بدون ذكر أسماء " ؟؟ وبعد ما عرفتها علي الحقيقة هل غيرت من طريقة تعاملك معها ؟؟
ايوة قابلت وبعدها قطعت علاقتى معاه نهائيا لانه طلع شخصية مش محترمه
7- ايه السؤال اللي كان نفسك حد يسأله ليك او كنت متوقع ان حد يسأله ليك ومحدش سأله ؟؟ وياريت تجاوب عليه ان أمكن ؟؟
صراحة مفيش
8 - نفسك مين يقعد بعدك علي الكرسي ؟؟؟
الحبار عشان هو اللى دبسنى في الحوار ده

ندخل بقي علي الأسرة والكلية ...

9 - هل أنت شايف انك عملت كل اللي كان نفسك فيه في الأسرة السنة اللي فاتت ؟؟ وايه الحاجات اللي كان نفسك تعملها ومقدرتش أو الظروف كانت ضدك ؟؟
عملت جزء كبير منه بس مش كل اللى كنا عاوزين نعمله اتحقق .صراحة حاجات كتير منها ندوة تعريف الاقسام وتنظيم ملازم امتحانات للطله وعمل رحلات علميه لمختلف الاقسام
10 - ناوي ان شاء الله تمسك مقرر الاسرة العام القادم ولا حترشح حد غيرك ؟؟ نفسك تعمل ايه للاسرة السنة اللي جاية ؟؟ وايه الافكار اللي عندك للاسرة ؟؟
ياريت لو ترشحوا حد مكانى لانى شايف لو حد من الدفعات الاصغر مننا مسكها يبقي افضل لان الاسرة محتاجه لدماء جديدة وطلبة جدد
نفسي السنة الجايه اعمل كتيييييييييييييير بس المشكله الاكبر اللى بتواجهنى قلة الناس اللى لها في الانشطه
من ضمن الحاجات اللى عاوز اعملها ان شاء الله ان اطلع اكبر قدر من الرحلات العلمية لمختلف الاقسام كان بردوا جه في دماغي فكرة مجنونه انى اعمل معرض يعرض ماكيتات ومجسمات لمنشات مدنية مثل منشأت الري اللى الطلبه كتييييييييير بتاعنى في تخيل شكل المنشأ وكمان نفسي اعمل ندوات كتيره عشان تزو التوعيه عند الطلبة ياعنى اجيب مديرين شركات من سوق العمل ويوصلوا للطلبة سوق العمل محتاج ايه عشان يبنوا نفسهم عشان يقدروا يقتحموا هذا المجال وغيرها كتييييييييييير من الافكا ر بس غالبا الروتين بيموت كل حاجة بس ان شاء الله مش هننيأس
11 - لو قلتلك قيم الاسرة بنسبة مئوية كأنك طالب في الكلية مش مقرر للأسرة حتديها نسبة كام في المية ؟؟ والاسرة بتفيد الطلبة بنسبة كام في المية ؟؟
70% بتفيد بنسبة 35%
ندخل بقي علي أخر حااااجة الباث واي

12 - هل انت شايف أنك أستفدت من الباث واي الاستفادة المرجوة ؟؟ وايه اللي أستفدته من المنهج الاداري ؟؟ وايه سلبيات الباث واي وايجابياته ؟؟
لا لم استفد بقدر ماكنت متخيل استفدت اكتر حاجة من مادة الدكتور عبد الله وهى مهارات التفاوض وبردوا بقية المناهج الواحد اخد فكره عن ادارة المشروعات وكيفية التخطيط للمشروعات وازاة تفكر بفكر العمل الجماعى
13 - ان شاء الله الباث واي المرة دي هل ناوي تشارك فيه أكثر من المرة السابقة ؟؟ وهل عندك أفكار له هذه المرة ؟؟ وياتري ناوي تعمل ايه او تشارك بأيه في الباتش ده ؟؟

اه طبعا باذن الله لانى ابتديت افهم الدنيا حوليا ماشية ازاى وعرفت الاخطاء فين ياعنى تقدر تقولى درست الدنيا من حوليه الحمد لله
بالنسبه ال هعمله لسه مش محدد بالظبط بس هتشوفيه في الدورة ان شاء الله

وكفاية كدة

وربنا يوفقك في حياتك ويكرمك في النتيجة

___________________________________________

الخائفون لا يصنعون الحرية والضعفاء لا يجلبون الكرامة والمترددون لن تقوى ايديهم المرتعشه على البناء

**الحبار**

السعالات:

1/ حزبك إيه ؟؟ وإيه قصة إختيارك ليه ؟؟ وهل أنت راضى عنه؟؟
2/تفاصيل يوم فى الاجازة؟
3/بتحب اسوان؟
4/لو عرضوا عليك شغلانه فى البترول وملهاش علاقة بمدنى بس المرتب خيالى ماذ ستفعل؟؟
5/إيه الشتايم اللى بتقولها كل يوم؟
6/إيه اللى على سطح المكتب عندك؟؟
7/إيه إحساسك لما كنت بتستخدم الشاشة المعفنة اللى شوفتها عندك قبل كده؟؟
8/نفسك تعمل ايه ومعملتوش؟
9/لو قالولك تبقى مدرس فى مدرسة تختار انهى مرحلة وأى مواد تدى؟
10/بتحب مصر يا مصطفى؟ وقد إيه؟

يا ريت زى ما قولت الناس ترشح اللى هيقعد على الكرسى بالليل وأول تلات أصوات لمرشح

هيقعد علطول إن شاء الله

والله الموفق

___________________________________________

الآن الشطحة الرابعة عشر بعنوان " أصول الأصول !! " هنــــــــــــا

**الحبار**

النهارده ضيفتنا بشمهندسه قديرة

قدرت تثبت نفسها فى وقت قصير خالص

ونتمنى لها التوفيق فى كليتنا أو خارجها

وطبعا قعدت على الكرسى قبل كده

بس أكيد لديها الكثير لتقوله

إنها البشمهندسه

شيطان

miss Egypt

يلا اظهر وبان عليك الامان

ولتبدأ الأسئله فى الإنسيال

ومتنيش الحلفان

والدور الدور الدور الدور موعوده يا اللى عليكى الدور

___________________________________________

الآن الشطحة الرابعة عشر بعنوان " أصول الأصول !! " هنــــــــــــا

**Leave Me Alone**

أزيك يا بشمهندسه؟؟ أيه أخبارك ؟؟

1-الأسم والسن والعنوان؟؟
2-أيه قصة أنضمامك للكليه بتاعتنا؟؟
دول طبعا تحت الحساب

___________________________________________

لتنمية العقول ورغبتا فى التطوير قررنا تنظيم مسابقة كورد أسوان
ما هى مسابقة كورد؟؟
للأشتراك فى مسابقة كورد أسوان

**marawan elkhateb**

اهلا اهلا بالبشمهندسه مريم

مستعده للأسئله

1- ايه احساسك وانتى مشرفه حاليا؟

2- يومك ماشى ازاى فى الاجازه؟

3- تحبى تكملى فى اسوان ولا تحولى القاهره؟والسبب؟

4- احكيلنا اى موقف محرج حصلك وانتى فى اسوان؟

وكفايه كده انهارده العينه دى

___________________________________________
لو يحسب العمر بلحظات السعادة لكتبو على قبرى مات قبل ان يولد

free_matrex2010

اهلا اهلا بيكى يا بشمهندسه maryam
انا كنت منتظر كام عضو كده انتى منهم
ان شاء الله احضر الاسئله واجيلك على طول
wait me

___________________________________________

أمحو ذنوبك في خلال دقيقتين جرب

لتكسب الأجر بأذن الله أخي الحبيب أرسل لمن تحب الرابط التالي أو ضعه في توقيعك في المنتديات

http://www.shbab1.com/2minutes.htm

**الحبار**

أومال فين البشمهندسه مريم ؟؟!!

لعل غيابها يكون خير وحد يبلغها بأنها على الكرسى

والله الموفق

___________________________________________

الآن الشطحة الرابعة عشر بعنوان " أصول الأصول !! " هنــــــــــــا

**miss egypt**

اولا انا متاسفه جدا
لعدم دخولي فترة كده بسبب عطل في النت

ومكنتش عارفه اني على الكرسي
اكرر اسفي

بس
بيبكى

ربنا يستر

___________________________________________
قم في الدجى واتل الكــــــــــتاب

ولا تنم إلا كنومه حائر ولهــــــــان

فربما يأتي المنيه في فرش الأكفان

يا حبذا عينان في غسق الدجى من خشيه الرحمن باكيتان

**********************

كفى بالموت واعظا

وللجماعه مفرقـــــــــــا

وللحياة مكــــــــــــــدرا

ولللذات هادمــــــــــــــا

**miss egypt**

أزيك يا بشمهندسه؟؟ أيه أخبارك ؟؟
انا الحمد لله بخير وبالف صحه وعافيه يارب تدوم

1-الأسم والسن والعنوان؟؟
الاسم : مريم
السن : 19
العنوان : الجيزة بس معرفش اوصف المكان بالضبط

2-أيه قصة أنضمامك للكليه بتاعتنا؟؟
دول طبعا تحت الحساب
كنت السنه اللي فاتت في كليه علوم طبعا كان بالغصب من بابا عشان مفيش هندسه قريب مني الا الكترونيه منوف ومش رضي عشان تخصص معين وكده هو طبعا مادخلش دماغي الكلام وما اقتنعتش بس رضيت بالامر الواقع لان هو ممكن كان شايف حاجه انا مش شايفااها بس عانيت كتير اوي في الكليه كدراسه لكن كاصحاب كانو هم اللي مصبرني وكانو بيساعدوني بس برضو انا كنت حاطه في دماغي اني مش بحبها ومش عايزاها عشان كده لم اوفق فيها باذن الله

نزلت يوم 15 رمضان من السعوديه عشان احول لما عرفت اني مش ناجحه واني شايله السنه كلها معادا الرياضه البحته والكيمياء لاني كنت بحبهم والاحصاء عشان كنت اول مرة ادرسها فعجبتني وعجبني المحتوى بتاعها وكنت بذاكرها يعني

مان بتوع مكتب التنسيق مش راضي وبيقول انه مفيش مكان ليا في اي كليه هندسه
ما فقدتش الامل كنت كل يوم في مكتب التنسيق من الساعه 8 الصبح للساعه 8 بالليل وانا عماله اتحايل عليهم انهم يلاقو مكان

واستمر الموضوع ده لفترة طويله اوي يعني استمر لبعد العيد وبعد افتتاح السنه الجديده بكم اسبوع واانا رايحه جايه رايحه جايه

لغايه ما قالولي في اربع اماكن فضيو في هندسه اسوان جنوب الوادي كلمت بابا وقالي توكلي على الله

وبس ده تقريبا الحكايه باختصار
والحمد لله جيت وجبت ورقه موافقه من شئون الطلبه والحمد لله
الحمد لله

بقيت في كليه هندسه

___________________________________________
قم في الدجى واتل الكــــــــــتاب

ولا تنم إلا كنومه حائر ولهــــــــان

فربما يأتي المنيه في فرش الأكفان

يا حبذا عينان في غسق الدجى من خشيه الرحمن باكيتان

**********************

كفى بالموت واعظا

وللجماعه مفرقـــــــــــا

وللحياة مكــــــــــــــدرا

ولللذات هادمــــــــــــــا