كرسى الإعتراف على الطريقة الهندسية (أرشيف)

**الحبار**

تذكير بمساهمة فاتح الموضوع :

السلام عليكم ورحمة الله وبركاته

هنيئا ومباركا عليكم الإنتهاء من إمتحانات نصف العام "يناير 2009" والتى

تمت بها "بسترة عقولنا" وأصبحت تعتريها شبه رعشه وعطل فنى لما تكبدته

من أهوال ومفاجآت الإمتحانات التى عادة ما نحياها بتكرار الإحساس بها وبديمومة الحياه نحن

معشر المهندسين والتى أتمنى لكم بها المزيد من التفوق والنجاح والصمود لما هو آت وهيهات الهروب منه.

أطرح على أعين سيادتكم لعبة "أو شبة لعبه "ليست بالجديده بل إنها منتشره بالكثير والعديد والطائل من المنتديات

والتى يمارسها جمهور غفير من أعضاء المنتديات والتى تستقطب الكثير والكثير من الأعضاء نظرا لطلاوتها وجمال

فكرتها الأساسية.

لن أطيل عليكم أخوتى فهى لعبة "كرسى الإعتراف" والتى سنبدأ بممارستها فى هذا الموضوع والهدف الأساسى منها

كشف الغطاء عن الكثير من الأعضاء وإبراز الشخصيات بمنتدانا وتداول الأفكار والتعامل من منطلق سرعة البديهه

وذكاء السائل والمجيب بالإضافه إلى إضفاء روح المتعه والتشويق للمنتدى وكما أسلفت ذكرا بأننا خرجنا من معصرة

الإمتحانات ولا سبيل لدينا سوى القليل من الترفيه المسموح به دون خرقا للقوانين أو مضايقة الآخرين أو الإسفاف

فى الفكرة والتطبيق.

اللعبة لمن لا يعرفها وبالطبع سنضفى عليها الطابع الهندسى الذى دائما

ما نتميز بها عن الآخرين "وإن كانت لا تختلف كثيرا عن المتداوله"

أولا يتغير إسم اللعبه من كرسى الإعتراف إلى"كرسى الإعتراف على الطريقة الهندسية "وذلك حتى لا نشابه أحدا

أو نضاهى منتدى آخر.

ثانيا يتم إختيار عضوين إسبوعيا "وليكن يوم الأثنين والخميس من كل أسبوع فى الساعة التاسعة مساءا "على أن يتم

الإختيار الضحية "الشخص الذى سيسأل" عن طريق الإقتراع "فى حالة كثرة المشتركين معنا باللعبه" أو بالإختيار

فى حال قلة عدد المشاركين"أو الترشيح من قبل الأعضاء وآخذ الأصوات على أن يتم إعلام الضحية بدوره فى اللعبه

وضرورة متابعته لها".

ثالثا من حق كل عضو أن يسأل هذا الشخص خمسة أسئله يوميا "قابلة للزياده والنقصان" ويفضل عدم الإكثار لليوم

الواحد فيوجد أيام أخر وأن يترك المجال للآخرين لإتاحة فرصة السؤال للجميع.

رابعا يتم السؤال فى أى شىء للعضو دون المساس أو التطرق للأمور الشخصيه جدا أو ذكر شخصيات عامه أو أفراد بعينهم وما دون ذلك فمسموح به.

خامسا على الشخص الذى تم إختياره التواجد خلال هذا الأسبوع والدخول للموضوع يوميا والرد على أسئلة الأعضاء وإستفساراتهم"على ألا تتعدى فترة الغياب 36 ساعه "وإلا سيتم إلغاء دوره وينتقل إلى شخص آخر ويحرم الغائب من اللعبه.

سادسا يفضل عدم إرسال مشاركتين متتاليتين إلا للضروره القصوى وذلك حتى لا يتضحخم الموضوع دون فائدة

واضحة.

سابعا بعد إختيار العضو "الضحيه" وإبلاغه يرسل بالموضوع ردا ..مشاركه يعنى ..تحتوى على قسم نصه

"والله العظيم لأقول الحق" وذلك حتى لا يتم التلاعب بالإجابات والتذكر دائما بأن الحق لا مفر منه وحتى تصبح اللعبه

صادقه وبعد ذلك يبدأ بالإجابه كما يحلو له.

ثامنا يمكن سؤال العضو عن إسمه الشخصى فقط وقسمه بالكلية فقط أما أكثر من ذلك فلا وإن أزاد العضو فمنه أما

غير ذلك فهو ممنووووووووع .

تاسعا يوضع إسم العضو بالبوابة "من عليه الدور" لسهولة الإتصال

ولمعرفة مين عليه الدور وتسبقه عبارة "الدور الدور الدور الدور..موعوده ياللى عليكى الدور"

ويضاف ببيناته أيضا أنه من عليه الدور.

عاشرا التعامل يكون من منطلق الزماله وروح الدعابه الجميله حتى لا تصبح اللعبه ممله وتؤتى ثمارها والتى أسلفت

ذكرها من معرفة الشخصيات وإضفاء جو من المرح وتكوين أسره واحده نتعامل من خلالها كما ينبغى

ولنبدأ على بركة الله

يلا بقى مين عليه الدوووووووور

ومين هيلعب ويشترك معااناااااااااااا

؟؟؟؟؟؟؟؟؟

اقتباس:
تم التعديل إلى عضوين بالأسبوع الواحد يومى الأثنين والخميس الساعة التاسعه مساءا

فهرسة الأعضاء اللى قعدوا على الكرسى بروابط أسئلته

miss Egypt

Eng Godzella

Fatma

Eng Hossam

Princess

Eng Ghost

gumus

YeHi@$MmZ

Terminator

Miss Esadora

edbs

بنت مصر

flying baby

Crazy Girl

MIDO

Miss_R

Saso al safrota

Love to life

Professor

Leave Me alone

الحبار

أحمد سيد

إهداء الكاشف

Marawan elkhateb

ShimZ

Hello 1990 !!

marawan elkhateb

ليه كده بس يا بشمهندسه كله وره بعضه كده

1- ايهما يرفع من مقام من تحب امامك ( ان يبكي لك / منك / عليك ) ؟

انه ما يبكيش خالص احسن لانى احيانا بحس ان البكاء ضعف
بس لو لازم اجواب من الإختيارات اذا الإجابه انه يبكى لى.

2- ما هو اكثر شيء تشتاق اليه ؟؟ وهل يؤثر فيك الشوق ام انه اصبح شعور روتيني ؟

انا حاليا مشتاق لحاجتين انى اتجمع مع اصحابى مره فى اسوان
وانى اسافر السعوديه مره تانى.
اكيد طبعا الشوق بيؤثر فيا.

3- ماذا تتمنى ان تكون ؟ او بعبارة اخرى كيف ترى نفسك او كيف تتخيل نفسك بعد عشرين سنه ان شاء الله ؟

مهندس مدنى ناجح ان شاء الله ومتزج وعندى اولاد.

4- قد جرحك انسان جرح كبير او غدر فيك وبعد فترة اعتذر اليك ....... هل تقبل اعتذاره .... ؟؟ ولو في ممكن تقول الموقف

الحمد لله انى عمرى ما شلت حاجه وحشه لحد جوايا واكيد هاقبل اعتذار اى حد ما عدا اذا كان اعتذاره ليا ممكن يهين كرامتى
هوا فى موقف حصل معايا فى الكليه بس معلش مش هأقدر اقوله.

5- من هو الممثل الذي تتابع المسلسل لاجله ؟ ومن الممثل الذي تغير المسلسل لانه يمثل معهم ؟

اولا انا واعوذ بالله من كلمه انا بمل من متابعه المسلسلات العربيه ولو تابعت مسلسل فده بيكون لان المسلسل هادف وحلو مش لان الممثل كويس
مفيش ممثل ممكن اغير المسلسل علشانه انا ممكن اغير المسلسل علشان مش عاجبانى القصه.

لو يحسب العمر بلحظات السعادة لكتبو على قبرى مات قبل ان يولد

crazy girl

حمدلله على سلامه الكرسى
ولوانها جات متاخره شويه
وكمان البشمهندس مروان يا ميه اهلا وسهلا

اسئلتى بقى

ايه الفرق بين دفعتنا ودفعه اعدادى السنه دى ومتنساش انت حالف وماتقوليش الاتنين على
قلبى زى العسل والكلام الحمصى ده مالاخر قولى مين احسن

ايه اكتر ماده كرهتها واكتر ماده حبيها

قولى بقى هتعمل ايه لو بتحب واحده بس شوفتها يعنى كده ماشيه مع واحد ايه اللى هيخطر فى
باللك ساعتها
هساعدك يعنى هتخدها من قصيرها وتبعد وتنهى الموضوع من قبل ما يبتدى ولا هتقول يمكن تكون مجرد زماله بريئه مع التحفظ طبعا ولاهتعمل ايه

احكيلنا بقى عن نفسك شويه يعنى عندك كام اخ وكام اخت وترتيبك وسطهم

اوصفلى يعنى لو فاكر احساسك اول يوم دخلت فيه الكليه كنت راسم الصوره دى فى خيالك

ايه رايك فى الحب اثناء الدراسه يعنى انت شايف ان ده وقت ان الواحد "ه" يضيع
وقته فى حاجه زى كده

يعنى فى رأيك ان فى سننا ده اننا نضجنا كفايه علشان تقرر مين اللى هتكمل معاها حياتك ولا
انت شايف ايه

أمنيه كنت تتمني أنها كانت تتحقق , وماتحققتش

ايه هى الدفعه اللى لافته نظرك

ايه اكتر حاجه بتلفت نظرك فى الشخص اللى بتتعامل معاه

موقف مضحك حصلك فى الكليه

كفايه لحد كده

**الحبار**

فى البداية طبعا أعتذر عن عدم الإعلان عن إسم الضحية الجديدة وده لظروف خارجة عن إرادتى "مباراة مصر وإيطاليا" وزى ما أنتو عارفين البيتزا باااااااظت وحمص حمص حمص لذلك إن شاء الله النهارده الجمعة الساعة تسعة بالليل تسنوا سنانكم وتحضروا السنج والجنازير وكام سرنجة هواا إحتياطى عشان ضحيتنا الجديدة إن شاء الله هتشرفنا فى هذا الميقات المؤقت الموقوت وعشان متبقوش متشوقين بقى والكلام اللى مليان إثارة وتشويق ومتعة

هقولكم العضو ده يبقى مين يلا يا عم ....

العضو ده يا أخوانا مقعدش قبل كده عالكرسى يلا بقى !!

هاه قصرتش معاكو فكروا وإن شاء الله هتلقوه أو هتلقوها.....

أسئلتى للبشمهندز:

1/يعنى إيه مستقبل بالنسبالك؟؟
2/تقدر تحددلى أولوياتك فى الحياة؟؟
3/إيه مبادئك فى الحياة؟؟وإيه هو المبدأ اللى مينفعش اليومين دول؟؟
4/بتحفظ ولا تفهم أكتر؟
5/إيه الصفات اللى ممكن تتنازل عنها فى شريكة حياتك؟؟
6/إيه الصفة اللى بتحبها فى نفسك؟؟وإيه اصلفة اللى بتكرها فيك ومعرفتش تغيرها؟؟
7/إنت شبه باباك ولا مامتك أكتر "كصفات وأخلاق يعنى"؟؟
8/قولنا نكتة؟؟
9/امتى دموعك ممكن تنزل ؟؟
10/هل تقدر تاخد قرار لوحدك ؟؟ وبتاخد رأى مين وبتشاور مين فى قراراتك؟؟

والله الموفق

Hello 1990 !!

free_matrex2010

السلام عليكم
انا عجبنى جدا فكره الكرسى ده ومستعد اشارك معاكوا فيها
ويا خساره ملحقتش صديقى مروان

**الحبار**

السلام عليكم ورحمة الله وبركاته

ضحيتنا النهاردة

عضوة جديدة معانا بدرجة مشرفة

إشتركت بمنتدانا منذ عام تقريبا

أسهمت بفاعلية بأقسام المنتدى والأقسام التى تتولى عنها الإشراف

نتمنى لها التوفيق فى دراستها وأن تحقق ما تتمناه

فى المجالات الهندسية

ضيفتنا اليوم

البشمهندسه

شيطان

Shimz

أهلا وسهلا بيكى يا بشمهندسه

ومعلش على التأخير وكثرة الإعتذارات

ويلا بقى أوعى تنسى الحلفان ونحن فى إنتظارك

والدور الدور الدور الدور موعوده يا اللى عليكى الدور

Hello 1990 !!

miss egypt

وانا بقى اللي هبتدي

شيطان

1- ازيك يا شيمز ؟

2- بعد ما خلصنا الامتحانات والحمد لله ورحنا لبيوتنا بسلام .
قوليلنا هتعملي ايه في اجازتك ؟وازاي هتقضي وقتك

3- كنتي عايزة هندسه ولا كليه تانيه ؟

4- ان شاء الله عايزة تتخصصي ايه السنه الجايه ؟
عمارة - مدني- كهرباء وقولي سبب اختيارك لاي قسم

5- ايه امنية حياتك او عايزة تكوني ايه مستقبليا ؟
وهل عندك مخطط لمستقبلك ان شاء الله ؟

6- مين الدكتور اللي بتحبيه ؟ ومين الدكتور اللي مش بتحبيه ؟
وكمان مين المعيد اللي بتحبيه او بتحترميه ؟ ومين العكس ؟

7- واخيرا ...

ايه رايك في الكليه كمبنى وكتدريس وكنظام ؟

كفايه عليكي اليوم يا عسل

free_matrex2010

ممكن نشترك معاكو يا بشمهندسين ولا اكون ضيف ثقيل عليكم
الاول نستفتح
cheers

1\الاسم والقسم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
2\ما اكثر المواقف التى رايتيها وعجبتى لامرها؟؟؟؟؟؟؟؟؟؟؟؟؟؟؟؟؟؟؟؟
3\هل لديك مواقف طريف؟؟ وممكن تحكيلنا على حاجه منها؟؟؟؟؟؟؟؟؟؟؟؟؟؟؟؟؟؟
4\ما رايك فى ::
1-المنتخب المصرى كوره

2-الحب

3-البحر

4-الكليه

5-السفر خارج مصر لتكمله تعليمك
شكرا

to be Continuous

marawan elkhateb

معلش يا جماعه اتأخرت فى الرد لإن عندى شويه مشاكل فى النت

ايه الفرق بين دفعتنا ودفعه اعدادى السنه دى ومتنساش انت حالف وماتقوليش الاتنين على
قلبى زى العسل والكلام الحمصى ده مالاخر قولى مين احسن

بصراحه دفعتنا احسن مليون مره دفعه ما تتعوضش
كنا كلنا مع بعض وبنخاف على بعض اما الدفعه الجديده فهما متفرقين شويه.

ايه اكتر ماده كرهتها واكتر ماده حبيها

اكتر ماده حبيتها الرياضه وده يمكن علشان والدى دكتور فى قسم رياضه
اما اكتر ماده ما حبتهاش فهيا الفيزيا لإنى مش بحب الحفظ الكتير.

قولى بقى هتعمل ايه لو بتحب واحده بس شوفتها يعنى كده ماشيه مع واحد ايه اللى هيخطر فى
باللك ساعتها
هساعدك يعنى هتخدها من قصيرها وتبعد وتنهى الموضوع من قبل ما يبتدى ولا هتقول يمكن تكون مجرد زماله بريئه مع التحفظ طبعا ولاهتعمل ايه

هوا مبدأ إن الواحده تقف مع واحد بدون سبب او حتى مجرد زماله زى ما حضرتك قولتى مع التحفظ لان مفيش حاجه اسمها زماله بريئه بس لو حصل كده انا هاكلمها واشوف الموضوع ولو لقيت اى حاجه تأكدلى ان المبدأ ده عندها غلط فأكيد هأنهى الموضوع.

احكيلنا بقى عن نفسك شويه يعنى عندك كام اخ وكام اخت وترتيبك وسطهم

انا عندى اخ اكبر منى فى بكالريوس علوم رياضه كلها كام يوم ويتعين معيد ان شاء الله وانا تانى واحد وبعدين اختى خلصت تالته اعدادى وهى اصغر واحده.

اوصفلى يعنى لو فاكر احساسك اول يوم دخلت فيه الكليه كنت راسم الصوره دى فى خيالك

انا لما دخلت الكليه كنت حضرت قبلها فى هندسه اسيوط فكنت فاكر انى هلاقى نفس النظام فى اسوان بس بصراحه لقيت اختلاف جزرى فمش هيا دى الصوره اللى كنت راسمها فى خيالى.

ايه رايك فى الحب اثناء الدراسه يعنى انت شايف ان ده وقت ان الواحد "ه" يضيع
وقته فى حاجه زى كده

إذا كان الحب ده مش حب سنه بسنتها وخلاص بمعنى ان الحب ده يكون (رسمى) كخطوبه مثلا او بإتفاق مع الاهل
فده ممكن يكون دافع للدراسه مش تضييع وقت ولا حاجه وانا مش معاكى فى نقطه انه تضييع وقت.

يعنى فى رأيك ان فى سننا ده اننا نضجنا كفايه علشان تقرر مين اللى هتكمل معاها حياتك ولا
انت شايف ايه

النضوج ملهوش علاقه بالسن ليه علاقه بتجارب الحياه بمعنى ان ممكن يكون واحد عنده خمسين سنه مثلا ومعندوش تجارب مع الحياه كافيه وممكن يكون واحد سابق سنه بتجاربه مع الحياه وطالما الواحد يقدر يتحمل مسئولية نفسه فهوا كده يبقى ناضج كفايه علشان يقرر مين اللى هيكمل معاها حياته.

أمنيه كنت تتمني أنها كانت تتحقق , وماتحققتش

انى كنت انجح السنه اللى فاتت وما دبلرش بس الحمد لله قدر الله وما شاء فعل.

ايه هى الدفعه اللى لافته نظرك

دفعه اولى مدنى لان فيها اغلب اصحابى وكانوا دفعتى السنه اللى فاتت واعرفهم كويس.

ايه اكتر حاجه بتلفت نظرك فى الشخص اللى بتتعامل معاه

انه يكون نضيف من جوا ودول مش بنلاقيهم كتير فى الزمن ده.

موقف مضحك حصلك فى الكليه

بصراحه مش فاكر موقف مضحك بس اوعدك لما افتكر هابقى اقول.

لو يحسب العمر بلحظات السعادة لكتبو على قبرى مات قبل ان يولد

**shimz**

و الله العظيم أقول الحق

بس براحة عليا و النبى

بحلقه

C0rd Aswan

تجرأ على الحلم

**shimz**

miss egypt كتب:

وانا بقى اللي هبتدي

شيطان

يا ساتر يا رب

1- ازيك يا شيمز ؟
الحمدلله يا مريومة
2- بعد ما خلصنا الامتحانات والحمد لله ورحنا لبيوتنا بسلام .
قوليلنا هتعملي ايه في اجازتك ؟وازاي هتقضي وقتك
ناوية باذن الله أعمل حاجات كتير
منه أخذ كورسات و مراجعة ما حفظت من القران
ناوية باذن الله أسافر اسكندرية
وحاجات تانية كتير بس كل مشاريعى مؤجلة لحين انتهاء امتحانات الثانوية العامة
3- كنتي عايزة هندسه ولا كليه تانيه ؟
الحمدلله كلية الهندسة كانت حلم حياتى وبكرم ربنا و توفيقه وصلت للى أنا عايزاه
4- ان شاء الله عايزة تتخصصي ايه السنه الجايه ؟
عمارة - مدني- كهرباء وقولي سبب اختيارك لاي قسم
كهربا باذن الله شعبة حاسبات
لانى حبيت الحاسب والبرمجة
والصراحة مش بحب الرسم ولا الميكانيكا عشلن كده مينفعش معايا مدنى أو عمارة
5- ايه امنية حياتك او عايزة تكوني ايه مستقبليا ؟
وهل عندك مخطط لمستقبلك ان شاء الله ؟
نفسى أكمل دراسات عليا بعد التخرج باذن الله
كمان يكون ليا عملى الخاص و اكون ناجحة فيه
6- مين الدكتور اللي بتحبيه ؟ ومين الدكتور اللي مش بتحبيه ؟
وكمان مين المعيد اللي بتحبيه او بتحترميه ؟ ومين العكس ؟
ايه التدبيس ده يا مريم
على العموم أنا هأقولك على الى بحترمهم جدا
أما الى مش بحبهم بلاش
بالنسبة للدكاترة :دكتور مصطفى النحاس
أما المعيدين :المهندس محمود على و المهندس أبو القاسم
7- واخيرا ...

ايه رايك في الكليه كمبنى وكتدريس وكنظام ؟

الصراحة وما حدش يزعل أنا كنت راسمة فى خيالى شكلتانى خالص لكلية الهندسة
من ساعة ما شوفت مبنى هندسة اسكندرية
لكنى اتصدمت جدا لما شوفت هندسة أسوان
المبنى لا يصلح لكلية هندسة
كتدريس
معظم الدكاترة بيشرحوا كويس و بيتعبوا معانا
خصوصا دكتور محمد على خليل
والمعيدين أغلبهم مش بيتأخروا علينا فى أى حاجة مش فاهمينها
أما من حيث النظام ماأقدرش أحكم عليها أوى

كفايه عليكي اليوم يا عسل

ايه الرضا ده كله
ده شكله هدوء ما قبل العاصفة
على العموم ربنا يستر

C0rd Aswan

تجرأ على الحلم

**shimz**

free_matrex2010 كتب:

وعليكم السلام ورحمة الله و بركانه
lol!

ممكن نشترك معاكو يا بشمهندسين ولا اكون ضيف ثقيل عليكم

اهلا بيك يا بشمهندس

لاول نستفتح
cheers

1\الاسم والقسم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاسم:الشيماء
القسم:كهربا باذن الله
2\ما اكثر المواقف اتى رايتيها وعجبتى لامرها؟؟؟؟؟؟؟؟؟؟؟؟؟؟؟؟؟؟؟؟
موقف حصل فى سكشن الحاسب يوم تسليم البرامج ،كان فى زميلة على الجهاز المجاور ليا وكانت بتختبر البرامج الى على السطوانة بتاعتها شد انتباهى شكل البرامج لأنها كلها كانت معمولة بخلفيات وصور جميلة جدا فقولتلها ايه الحاجات الحلوة دى يا فلانة فقالتلى يا شيخة هو أنا برده أعرف أعمل الحاجات دى أنا أخذت الاسطوانة دى من واحدة صاحبتى فى أولى كهربا السنة دى الصراحة استغربت من صراحتها
شوية كده المعيد عدى عشان يشوف البرامج قعدت تقول البنامج ده بتاع كذا و أنا عملت كذا عشان كذا وأنا....وأنا..
و كأنها هى بجد الى عملة ده كله و أثناء ما هى بتتكلم كل شوية تبص عليا و كأنها خايفة
المهم الموضوع عدى و كانت أول واحدة تتقيم فى السكشن و تروح.
3\هل لديك مواقف طريف؟؟ وممكن تحكيلنا على حاجه منها؟؟؟؟؟؟؟؟؟؟؟؟؟؟؟؟؟؟
أبى من ذوى البشرة السمراء و أثناء وجوده بأسوان لظروف عمله
قابل أحد الاخوة السودانيين
فسأله والدى انت منين فى السودان
قاله أنا من البربر
رد الرجل السؤال لأبى وانت منين فى السودان
قاله أنا من أسوان
سكت السودانى لفترة ثم قال له
بس أسوان ياخى دى موسودان

4\ما رايك فى ::
1-المنتخب المصرى كوره

أحسن منتخب فى تاريخ البلاد ،أدخل الفرحة على قلوب المصريين بفوزه بكأس الأمم الأفريقية مرتين على التوالى
يخطو بخطوات ثابتة نحو العالمية بعد انجازاته فى كأس العالم للقارات بعد أن كان ندا قويا لمنتخب البرازيل و كان من الممكن أن نخرج بتعادل ثمين لولا الحكم الانجليزى و بعد هزيمته لمنتخب ايطاليا بطل العالم
وثقتى كبيرة جدا فى اننا سوف نتأهل و ننافس فى كأس العالم على يد و أقدام هؤلاء الأبطال باذن الله
2-الحب بيحب

الحب أحاسيس و مشاعر رقيقة جدا متبادلة بين البشر
لا يستطيع أى انسان أن يعيش بدون أن يجد أشخاص يحبونه و يحبهم
و لكن أسمى أنواع الحب هو حب الله عز وجل
3-البحر كويس

البحر يشعرن بالخوف عندما أنظر اليه خصوصا ليلا لأنى أجده مظلم ،غامض وكئيب
4-الكليه نار

الصراحة الكلية بها مميزات وبها عيوب
لكنى بالرغم من عيوبها أحبها جدا
5-السفر خارج مصر لتكمله تعليمك

انا أؤيد هذا الموضوع لانه بالخارج لديهم أحدث الوسائل التعليمية و نظام تعليم يحترم قدرات الانسان ويعمل اكتشافها و تنميتها وشهاداتلا معترف بيها عالميا فاذا كان الشخص لديه الامكانيات للحصول على تعليم أفضل فليه لأ

شكرا

to be Continuous

C0rd Aswan

تجرأ على الحلم

**Eng_HOSSAM**

منوره الكرسي يا بشمهندسه

1- هل ممكن تفكري ف التحويل من الكليه ؟؟؟ ولو حولتي تحبي تروحي فين؟

2- ايه رايك ف زيارة اوبااما لمصر و الاستعداد الرهيب ايلي كانت فيه القاهره لاستقباله؟

3- هل كان تكوين الصداقات ف الكليه شئ صعب بالنسبالك؟ ولا ايه؟

4- ايه رايك ف اسوان؟؟؟؟؟؟

5- ايه هي الصفات ايلي علي اساسها بتختاري اصدقائك؟

6- انتي قولتي انك اخترتي كهربا بناءا علي انك بتحبي البرمجه... هل انتي شايفه ان حبك

للبرمجه كفايه ؟؟؟يعني انتي هتقابلي ف اولي كهربا ان شاء الله مواد تاني بتعتمد علي الفيزيا و الرياضه؟؟؟

7- اتطردتي قبل كده من سكشن او محاضره؟

8- ياتري انتي شايفه ان مرحلة اعدادي كفايه لتاهيل الطالب انه يختار بين التلات اقسام ايلي عندنا؟

كفايه كده ولنا عوده

**Leave Me Alone**

السلام عليكم

مستعده يا بشمهندسه للأسئله ولا لأ

*الأول نتكلم عن اللى فات
1-أكتر موقف حصلك ضحكت فيه من قلبك؟
2-أكتر موقف بكيتى فيه ؟
3-حبيتى قبل كدا ولا ؟
4-أكبر مشكله حصلتلك ف حياتك؟
5-أظلمتى قبل كدا ولا؟وأزاى؟
6-ظلمتى قبل حد؟؟وأزاى؟؟
7-هوا سؤال غريب شويه معلش أستحملينى لعبتى كوره قبل كدا ؟
8-أنتى أهلاويه ولا زملكاويهولا أسماعلاويه؟
*نطلع من اللى فات ونخش ف اللى جاى
1-الصوره اللى رسمها ف خيالك لشريك حياتك؟
2-لو سفرتى بره مصر تحبى تروحى فين؟
3-لو جبتى ولد بأذن الله تحبى تسميه أيه؟؟ولو بنت أسمها أيه؟؟
*نخش ع المنتدى بقى؟؟
1-أفضل عضو؟
2-العضو اللى تحسيه جنتل مان ؟؟
3-العضوه اللى تحسيها أخت لكل اللى ف المنتدى؟؟
5-أكتر موضوع عجبك ف المنتدى؟؟
6-عضو رخم أوووى؟
7-أكثر الأقسام تميزا بالنسبه ليكى؟
8-بما انك ماسكه قسم الشعر و الأدب قوليلى أيه الشعر اللى خش دماغك؟؟
9-معاكى 4 ساعات و 3 دباديب حتديهم لمين؟؟
*كفايه كدا المره دى
ولنا عوده بأذن الله

لا أله ألا الله سيدنا محمد عبده ورسوله

**shimz**

Eng_HOSSAM كتب:

منوره الكرسي يا بشمهندسه
أهلا بيك يا بشمهندس حسام

1- هل ممكن تفكري ف التحويل من الكليه ؟؟؟ ولو حولتي تحبي تروحي فين؟
الصراحة فكرة التحويل تراودنى منذ ظهور نتيجة التنسيق السنةالى فاتت
لأن طموحى كان كلية هندسة عين شمس

2- ايه رايك ف زيارة اوبااما لمصر و الاستعداد الرهيب ايلي كانت فيه القاهره لاستقباله؟
الفترة الى فاتت كنا معزولين عن العالم بسبب الامتحانات وما كنتش متابعة أى أخبار وما قريتش أبدا عن هذه الاستعدادات لكنى أقدر أقول عن هذه الزيارة انها كانت مهمة جدا بالنسبة لأوباما لتوضيح موقفه من العالم الاسلامى
و أرى أنه أجاد فى اختيار مصر لالقاء خطابه للعالم الاسلامى لأن مصر هى مركز ثقل و قوة فى العالم الاسلامى و الشرق الأوسط.

3- هل كان تكوين الصداقات ف الكليه شئ صعب بالنسبالك؟ ولا ايه؟
أكيد كان صعب فى البداية لكن مع مرور الوقت بعرف الشخصية الى قدامى واذا كانت تستحق ان علاقة الزمالة الى بينا تتطور لمرحلة الصداقة ولا لأ .
4- ايه رايك ف اسوان؟؟؟؟؟؟
أسوان بلد جميلة جدا وهى من أحب البلاد لقلبى
5- ايه هي الصفات ايلي علي اساسها بتختاري اصدقائك؟
انها تكون شخصية محترمة
محبوبة من الناس
تحبنى فى الله و تخاف عليا و تنصحنى
تكون أخت ليا لدرجة انى أحس معاها بالأمان وأئتمنها على أسرارى
6- انتي قولتي انك اخترتي كهربا بناءا علي انك بتحبي البرمجه... هل انتي شايفه ان حبك

للبرمجه كفايه ؟؟؟يعني انتي هتقابلي ف اولي كهربا ان شاء الله مواد تاني بتعتمد علي الفيزيا و الرياضه؟؟؟
لأ طبعا بس حبى للبرمجة هو الى خلانى أقرر أى شعبة فى كهربا أدخلها
لكن أنا فى هندسة يعنى أكيد بعشق الرياضة والفيزياء مش بحبها أوى بس بذاكرها و مستوايا الحمدلله حلو فيها
7- اتطردتي قبل كده من سكشن او محاضره؟
فى السكاشن لأ بس فى المحاضرات ثلاث مرات بسبب التأخير
8- ياتري انتي شايفه ان مرحلة اعدادي كفايه لتاهيل الطالب انه يختار بين التلات اقسام ايلي عندنا؟
لأ لأنه المواد الى بندرسها مش بتخلينا نحد ميولنا كويس و أى طالب فى اعدادى هندسة يقع فى حيرة من أمره عند اختيار القسم الا الى داخل هندسة و هو عارف هو عاوز ايه بالضبط أنا واحدة من الناس من صغرى بحب الرياضة و مش بحب الحفظ عشان كده دخلت علمى رياضة وبالتالى كلية هندسة الى هى كلية القمة فى هذا التخصص .

كفايه كده ولنا عوده

C0rd Aswan

تجرأ على الحلم

love to life

اهلا اهلا اهلا بالشمهندسه شيماء
نبتدى الاسئله (وكل واحد وليه يوم!!!!!!! lol!

)
1-انتى من فين اصلا؟وايه رايك فى اسوان كبلد؟
2-مين اقرب الناس ليكى؟ ومين اقرب اصحابك ليكى؟
3-ايه اكتر اكله بتحبيها؟بتعرفى تطبخى ولا لاء؟
4-فى رايك شغل الست اهم ولا بيتها؟
5-ايه هو اكبر عيب فى شخصيتك؟وايه اكبر ميزه؟
6-ايه العيب اللى لو لقيتيه فى صاحبتك ممكن تسيبيها عشانه؟
7-لو حد غلط فيكى بتسامحيه بسرعه بمجرد اعتذاره ولا مش بتعرفى تصفى بسرعه؟
8-مين الشخصيه المجهوله بالنسبالك على المنتدى ونفسك تعرفيها؟
9-ايه رايك فى المنتدى عامة وايه عيوبه ومميزاته؟
10-ايه اكتر موضوع نزل واستفزك جدا؟
كفايه عليكى كده ولنا عوده قريباااااااااااا...............