بقعد على الكومبيوتر او قدام التليفزيون واوقات الفراغ مش كتير للاسف لظروف الدراسة انما فى الاجازة بتيقى كلها اوقات فراغ

2/ مين ممكن يضحكك لما تكون زعلان؟؟ومين ممكن تلجأله لما تكون حزين؟؟

اللى ممكن يضحكنى لما اكون زعلان هو محمد اخويا ولما اكون حزين بلجأ لوالدى او والدتى

3/إنت مثقف يا بشمهندس ؟؟وإيه مصدر ثقافتك؟؟؟

للاسف انا ثقافتى ضعيفة شوية ولو حبيت اثقف نفسى من حد باتجه لوالدى

4/إيه الشىء اللى ممكن تحسد على حد أو الصفه عموما؟؟

اللى ممكن احسد اى حد عليه راحة البال واالضمير

5/إيه عيوبك يا بشمهندس؟؟؟وهل بتحاول تصلحها ولا لأ؟؟

انى كسلان شوية ونفسى ابطل العادة دى

6/عرفلى الحب بألفاظ من بور؟؟

الحب هو تحول فى جهد القلب ينتج عنه فيض من المشاعر ويتدفق تيار من الاحاسيس يؤدى الى دوران فى التفكير يؤدى الى شورت سيركت فى الدماغ يطلع نور من العين ويحصل تبادل من النبضات الكهربية بين الحبيبين وكفاية كده

7/بتعرف تفرق بين الإنسان الصادق واللى بيكدب؟؟؟

الى حد ما بيبان عليه

8/إزاى بتقدر تحكم على حد كويس أو وحش "من خلال إيه يعنى"؟؟

من خلال طريقة كلامه وتفكيره يعنى لو طلقائى يبقى كويس انما لو مرسوم وعايش الدور يبقى مش تمام وفى الغالب بيطلع ظنى مش فى محله لانى ما باكونش اتعاملت معاه

9/بتحب بابا ولا ماما أكتر؟؟واحد بس؟؟

الاتنين لان ما ينفعش واحد بس

10/مين قدوتك فى الحياه؟؟

بابا

11/تحب تسافر فين لو أتوفرتلك الفرصه؟؟؟وليه؟؟

اسافر السعودية عشان احج

12/هل تقدر تاخد قرار؟؟أو تحل مشكله؟؟؟

الحمد لله بس لو قرار مصيرى باخد رأى اهلى فيه

13/هل تقدر تنقد شىء وتغير رأيك فيه فى وقت صغير؟؟؟

كتيييييييييييييييييييييير

14/إيه نوعية المواضيع اللى بتعجبك؟؟وبتحب تقرا لمين فى المنتدى؟؟

المواضيع الدينية والصور الغريبة وباحب اقرأ لاى حد جايب موضوع كويس ومحترم انما مفيش حد بعينه

15/هل حابب إسمك يا بشمهندس؟؟ومين سماك؟؟

الحمد لله وهو فى حد يكره ان اسمه يبقى من اسماء الرسول واللى سمانى هو والدى على اسم عمى وخالى

16/إيه سبب إختيارك للنيك نيم؟؟والصوره الرمزيه كمان؟؟ولو قولنالك غيره هتغيره لأيه؟؟

انا من زمان واصحابى بينادولى بميدو لان اسمى على اسم ميدو بتاع الكورة اما سبب الصورة الرمزية فهو انها طويلة وانا كنت باتعقد لما الاقى حد حاطط صورة بالطول وانا صورتى بالعرض وبما انى كنت مشرف لقسم الرياضة فلاقيت ان صورة ابوتريكة اللى عندى على الجهاز هى انسب صورة ولو غيرت اسمى هخليه احمد حسام

17/هل بتعرف تقوزل نكته يا بشمهندس؟؟قولنا واحده؟؟

يعنى مش اوى ومفيش حاجة حلوة حاضرة فى ذهنى دلوقتى

18/يعنى إيه مرأه ويعنى إيه رجل بالنسبالك؟؟

المرأة يعنى نصف المجتمع يعنى ام وزوجة محترمة يعنى امرأة عاملة فى حدود الدين يعنى الحنان فى الدنيا

ورجل يعنى الاب والاخ والصديق ومن تعتمد عليه فى الشدائد وهو اللى بيعمر الارض بايده وفكره يعنى النص الاخر للمجتمع

19/هل بتؤيد عمل المرأه عموما؟؟وهل هتسمح لمراتك إنها تشتغل خصوصا؟؟

اؤيده ولكن بالشروط اللى تتفق مع الدين ومع اسرتها وممكن اسمح لمراتى انها تستغل طالما هتطبق امور الدين وتوفق بين اسرتها وشغلها

اهلا وسهلا بالشاب لاشين

بس كام سؤال كده فى السريع

اتفضل

1- ايه اكثر المجالات اللى بتحب تقرأ فيها ؟؟

الدين وللاسف انا ما بقرأش كتير لان المذاكرة عاملالى تشبع من اى كتاب

2- ما هوه احلى يوم فى حياتك ؟؟

مفيش يوم معين بس اى يوم بيعدى على خير بيبقى يوم حلو

3- مين الانسان اللى بتحب تقعد معاه على طول ؟؟

محمد اخويا

4- ايه اكثر حاجة بتضايقك فى اصدقائك ؟؟

اللامبالاة والتحرر اللى زايد عن اللزوم

5- ايه رأيك فى كل من :

- محمد حجاج

من اكتر الناس اللى باعتز بيهم فى الكلية وباتشرف بانى صاحبه وهو راجل جدع ومحترم ومؤدب
- أحمد حسن

الراس الكبيرة بتاعتنا وهو اكتر واحد مخه وتفكيره عاليين فى اصحابى وراجل جدع وعارف مسئولياته كويس اوى
- عبد الجليل

ده حبيبى واللى باحس معاه انى قاعد مع حد من اهلى لانه تلقائى اوى وطبيعى وصريح
- محمد لاشين

صاحبى من ايام المدرسة وهو طيب وجدع وعايز يعمل اكتر من حاجة فى وقت واحد فتقلب معاه بلا مبالاة مستفزة انما هو فى المجمل جدع ومهما اقفش معاه بنتصالح تانى
- طارق يوسف
صاحبى اللى انا افتقده بعد المدرسة بس الحمد لله انا على اتصال بيه وبشوفه كل مرة ييجى فيها اسوان ونفسى يتخلص من التفكير الامريكى اللى مسيطر على دماغه
6- ايه أكثر فيلم بتحبه ؟؟
الناصر صلاح الدين
7- بتحب السياسة ولا لأ ؟
ماليش فيها
8- تحب تشتغل فين لما تخلص ان شاء الله ؟؟ و بتحب شغل المكاتب ولا المواقع أكثر ؟؟

احب اشتغل فى مصر وبالتحديد فى الاسكندرية وبحب شغل المواقع اكتر شوية لانى باحس فيه انى بعمل حاجة جامدة
9- لو حد من زمايلك فى ضيقة ممكن تضحى بحاجة غالية عليك عشان خاطره ؟؟
لو ضيقة عادية وممكن تفرج يبقى صعب اوى اوى انما لو ضيقة جامدة يعنى موضوع حياة او موت يبقى هضحى
10- ايه اكثر الالوان اللى بتحبها فى لبسك ؟؟ و بتحب الكلاسيك اكثر ولا الكاجوال ؟؟
بحب الازرق بدرجاته وطبعا الاسود ملك الالوان وبحب الكاجول لانه عملى
و كفاية كده يا صديقى
نورت يا صاحبى

يا اهلا وسهلا بالبشمهندسة رانيا

1- ايه سبب اختيارك للصورة بتاعتك وليه ما غيرتيهاش طول الفترة دى؟

2- بما انك توليتى مناصب كتير فى المنتدى ايه اكتر منصب عجبك وكنتى حاباه ؟

3- يا ترى ايه رأيك فى قسم مدنى وايه سبب التحاقك به ؟

4- ايه المبنى او الصرح العظيم اللى انت شوفتيه ونفسك تشرفى على تنفيذ واحد زيه ؟

5- ايه الاقسام اللى بتجذب انتباهك فى المنتدى وايه الاقسام اللى انت ما بتدخليهاش ؟

6- مين اكتر عضو او عضوة بتجذبك مواضيعهم ؟

7- نفسك لما تتخرجى تشتغلى فى اسوان ولا لأ ؟ ولو لأ يبقى فين بالضبط ؟

وكفاية كده ويارب اسئلتى تكون هادية وخفيفة

انا قولت ادخل اوسلم على حبيبه قلبى

راااااااااااانيا

فعلا يوم ليك ويوم عليك

سبحان الله من كام يوم كنتى شمتانه فيا




شوفى الايام دواره ازاى

انا مش شمتانه ولا حاجه انا فرحانه فيكى بس

استلمى بقى شويه اسئله ماللى قلبك يحبها

يعنى عزاب ليوم الاثنين





اسئلتى

1. ايه شعورك وانتى داخله الكليه الصبح؟

2. ايه اللى ممكن يخليكى تفصلى من واحده وتقولى مش هكلمها تانى؟ او بمعنى اصح ايه الصفه اللى ما تحبيهاش فاى واحده تصاحبيها؟

3. هل كان طموحك هندسه ولا جات معاكى تساهيل؟

4. ايه اكتر صفه ممكن تخليكى تحبى شخص معين؟

5. مين مثلك الاعلى فى الحياه؟

6. فاكره اول موضوع نزلتيه فى المنتدى؟

السؤال ده سالتهونى بس اسمحيلى بقى المره دى

7. ما رأيك فى المنتدى؟ وان كان هناك شىء ينقص المنتدى فما هو؟





كفايه عليكى لحد كده

السلام عليكم
نبتدى الأسئله
1-اكتر موقف ضحكك؟
2- اكتر موقف بكاكى؟؟
3-شخصيه نفسك تتعرفى عليها؟؟
4-مين نفسك تشوفيه ؟؟
5-لما بتكونى مضيقه بتروحى فين؟؟
6-أيه معنى الرومانسيه بالنسبه ليكى؟؟وهل أنتى رومانسيه؟؟
7-أذكر أفضل 10 أعضاء غير الأساسين؟؟؟

أنا أول مره أشترك وبشترك مخصوص عشانك
ممكن بقى أسئلك خمساشر تمنشر سؤال
أنتى مين /مين مدرسين فكراهم/قوليلى ذكره من ذكريات الثانوى/5نصايح ليا/مبتسأليش ليه
كفايه كدا يا عم احسن حرام عليا