مش عارفة انا ساكتة ليه!!


كل شوية افتح الصفحة
اقرا اجابات حضرتك واحاول اكتب اسئلة
بس مش عارفة افكر في اي سؤال
وبصراحة كل الأسئلة جميلة والأجمل الرد عليها
وانا فعلا بستفيد من ردك عليها وبحاول تكون استفادتي عملية
واقتبس منك بعض التصرفات والاراء واحاول اطبقها علي نفسي


وانا بكتب الرد
خطر في بالي سؤالين بس

ايه توقعاتك لنتيجة رانيا الترم ده؟؟
"وان شاء الله تجيب نفس النتيجة زي اللي حصل معايا انا ودعاء"


ايه سر اختفاء رانيا وليه ما دخلتش تسأل
هل ده باعتراض منك ؟؟ ولا هي اللي مش عايزة تسأل
ولا سبب تاني؟


وححاول افكر في اسئلة وارجع تاني

العضوه المتألقه دائما



.:. بنت مصر .:.


وعلي فكره ... الكلام ده بجد مش مجامله



ربنا يقدرك , وتستحمليني , ونبتدي


1) حضرتك كخريجه كلية العلم و العلماء ( علوم )


حضرتك شايفه ( مستقبل العلم ) في مصر دلوقتي إزاي ورايح فين ؟؟



2) حضرتك , للعلم


أنا بحترم وبشده أراء حضرتك وأذواقك في المقتطفات الشعريه

بس أنا كنت عايز رأي حضرتك في موضوع

فكرت كتير أوي أني أنشره في المنتدي , لكني ( خفت )

من أن يصاب معظم أعضاء المنتدي بالأستياء منه ,, ألا وهو

( القصائد الكفريه الصريحه لنزار قباني , وأزاي أن أي مسلم

المفروض أنه لا يقرأ لهذا > الزنديق <

والموضوع مدعم بأبيات وقصائد شعريه لنزار تدعم وتؤكد الموضوع )

ياتري ... أيه رأي حضرتك ..؟؟


3) ( الحب في أيام الجامعه ) , ...


ظاهره مفادها أنه تولد مشاعر لدي الجنسين ( مشاعر بريئه )

تولد وتتوجد نتيجه لأن الواحد ( ه ) بيعيش أيام وتجربه تعتبر من أحلي التجارب اللي بيعيشها

ياتري ... أيه رأي حضرتك في الموضوع ده , وهل حصل مع حضرتك ..؟؟


4) أيه هيا :


-حاجه حضرتك بتحبي تشربيها


-حاجه حضرتك بتحبي تاكليها


- موضوع حضرتك ممكن تشوفيه , بس ماترديش عليه


- موضوع حضرتك ممكن تردي عليه من غير ما تقريه


- موضوع ينرفز حضرتك


- موضوع يضحك حضرتك


5) ياتري إيه هيا أكتر حاجه مشرفتنا الغاليه بتخاف منها , ولو حصلت حضرتك هتعملي ايه ؟؟


6) حضرتك بتحفظي قرأن , وحضرتك وصلتي فيه لغاية فين ؟؟


7) حضرتك بتحبي تقرأي لمين ؟؟


8) مين من المشايخ بيتحبي حضرتك تسمعيله , وليه ؟؟


9) ياريت حضرتك تحكيلنا عن قصتك مع الاشراف , ازاي ابتدت وايه كانت ظروفها وامتي ؟؟


10) ممكن حضرتك توصفيلنا نفسك , .... بأي شكل وبأي صوره ؟؟؟




وفاصل ونعود ,,, وبجد أتشرفت أني أتعرفت علي حضرتك ..

السلام عليكم ورحمة الله وبركاته

أنا بصراحة كنت أتمنى إنى أسئل أسئلة كتير علشان أأقدر وغيرى نستفيد من حضرتك ولكن للأسف أنا مش بدخل المنتدى الأيام دى كتير

وعندى شوية أسئلة بعد إذن حضرتك :

1- رأيك فى عمل المواطن المصرى وخصوصا الشباب برة مصر وياريت باستفاضة وهل دوافعهم مبررة وردهم ديما ( وانا واحد منهم ) إنها بلد مينفعش يتعاش فيها مش لأننا مش بنحبها لكن أنا أفضل أقول علشان ماكرهاش ؟

2-رأيك فى الجماعات الإسلامية وفكرها (أنا مش واحد منهم ) وعلى سبيل الذكر ( السلفية - الجماعة الإسلامية - الإخوان المسلمين - الصوفية ) ورأيك فى إتجاه شباب كتير للإنضمام للجماعات سواء فى الماضى أو فى الوقت الحاضر بدافع إنهم لهم فكر وبدء ونية حقيقية للتغير بمبادىء الدين ؟

3-نظرتك ورأيك فى الشباب الملتحى ( أنا مش واحد منهم ) ورأيك فى نظرة التلفزيون المصرى ليهم والثقافة اللى نشرها عنهم وأتوقع طبعا إن حضرتك شفتى فيلم ( الإرهابى ) ياريت كمان تقوليلنا راى حضرتك فيه ؟

4- نظرتك لأصحاب الأديان الأخرى المتعايشين معنا فى الوطن وكيفية تعاملك معهم ؟

5- هل حضرتك بتخافى من الفئران وإذا لقيتى فار بتتصرفى إزاى ؟

6- أولا هل حضرتك أصلا من بحرى ولا من الصعيد ؟ ثانيا رأيك فى المشكلة بين البحرلوية والصعايدة وإعتقاد كثير من أبناء بحرى بتخلف وغباء الصعايدة فى الوقت اللى بينظر فى أبناء الصعيد إلا إنهم أبناء الأصل والكرم والشهامة وكمان الذكاء والنتيجة كره شديد من الصعايدة للبحراوية واستخفاف من البحراوية بالصعايدة ؟

7- تفتكرى فى موقف زمان إنك ظلمتى حد ومديتهوش حقه ومقابلتهوش تانى ؟ إن كان دا حصل هل هتحسى بالندم وهتعملى إيه لو قابلتيه تانى ؟

8- أحلامك وأهدافك فى الحياة ؟

9-رأيك فى الدنيا وهل الحياة حلوة ؟

10- مين المظلوم الأيام دى الأولاد ولا البنات وأخص بالذكر الشباب ؟

11- المفروض أى إنسان غالبا بيحب تكون ليه خصوصيات ميحبش أى حد يطلع عليها هل لازم تعرفى كل شىء عن أبنائك وهل ممكن تتدخلى فى خصوصياتهم ( يعنى هل لازم مثلا تعرفى ايه كل حاجة فى شنطة ابنك أو بنتك أو ايه الحاجات اللى بيحتفظ بيها أو إن كان بكتب مفكرات هل لازم تقريها ؟) ؟

12- إزاى ممكن تنصحى شخص معين فى تصرف ميعجبش حضرتك ولا هل بتمتنعى عن نصحه وامتى ممكن تنقطعى عن نصح شخص معين ؟

13-هل تفتكرى شخص غريب دعالك دعوة حسيتى فيها بالصفاء تتمنى لو كل يوم تدعيلك ( إن كان حصل ياريت تحكيلنا الموقف ) ؟

14 -هل ممكن تذكريلنا موقف إنسانى قمتى بيه أو على الأقل شفتيه من حد تانى أو شىء تعتزى بإنك عملتيه ؟.

15-رد فعل أو تصرف فى موقف ندمتى عليه وتتمنى لو رجع الزمن ومتكرريش الفعل دا ؟

16- ـأكتر بيت شعر بتحبيه ؟ وايه اللى خلاكى تحبيه وتعتبريه فى المرتبة الأولى بين الأبيات ؟

17- أكتر أية فى القرآن الكريم بتحبى تردديها ؟

18 - هل ممكن بسهولة تغيرى اعتقداتك فى أفكار معينة بسهولة لو تأكدتى إنها غلط وهل بتقبلى النقاش فى معتقدات اتربيتى عليها ؟

19- هل بتهتمى إن ابنائك يحفظو القرآن ويهتمو بالدين ؟ عملتى ايه ؟ وهل فى نتايج لحد دلوقتى ؟

20- يوم إمتحان أحد أبنائك تحكيلنا يوم حضرتك بيبقى إزاى من البداية ؟

21- لون حضرتك المفضل ؟

22_ أخبار نظر خضرتك هل قوى ولا ضعيف وهل بتلبسى نضارة ولا لا ؟

23- راى حضرتك فى الابن الكتوم اللى مش بيحكى عن أى مشكلة معاه أو أى شىء بيتعبه مع أمه وأهل بيته ؟ هل هو إنسان سىء ( وإن كان تبريره لنفسه إنه مش عايزغ يتعب حد معاه ويفضل إنه يتألم لوحده ويحاول لوحده يحل مشاكله )؟ ايه {اى حضرتك كأم فى ابن زى دا ولو كنتى فى مكان أمه تتصرفى إزاى ؟
24 - بما إن فصيلة دم حضرتك O دى دراسة لعلم يابانى

اثبت العالم الياباني نظرياً أن لكل فصيلة من فصائل الدم الأربع ( O, A , B, AB ) صفاتها المميزة , و وضع قاعد تحكم هذه العمليه أطلق عليها كتسو - إكي - جاتا وقد أصبحت تطبق في الولايات المتحدة باسم ( B.T.P.A )
(أو تحليل الدم للتعرف على الشخصيه) وقد اتسعت دائرة هذا التحليل في اليابان فشملت الأطباء النفسيين والأخصائيين الاجتماعيين والقائمين على فن الدعاية والأعلام وغيرهم


إذا كنت(ي) تنتمي(ن) إلى الفصيلة(O) :

إن الشخصية التي تنتمي إلى هذه الفصيلة سواء كانت رجلاً أ م امرأة هي شخصية منفتحة ومنبسطة وعنيدة ونشيطه..وهي أيضاً شخصية سريعة الغضب وكريمه ... كما تتصف عموماً بالغيرة لذلك فصاحبها عادة ما يتجنب الرذيلة ونادراً ما يشعر بالحقد ....وهي شخصية واقعية ومنظمة وقادرة على التركيز بسهولة .... وتتلخص عيوبها في كونها شخصية عدوانية إلى حد ما وسريعة الاستثارة وعنيدة.....وكذلك أنهاشخصية تحب التأنق أكثر من اللازم و تتمسك برأيها المختلف عن الاخرين
وهي أحياناً شخصية متعجرفة تحتقر الآخرين بسبب فارق الذكاء الكبير .


إيه رأى حضرتك فى التحليل دا وهل بنطبق على حضرتك سواء بشكل كلى أو جزئى ( الكلمات فى الدراسة كلها مقتبسة ولازم تكون طبعا كلمات جامدة لأنها دراسة ) ؟

عضو من الأعضاء اللى بنحترمهم جدا

وخلاص فاضله فركة كعب ويبقى باشموهندس قد الدنيا

إسمه فيه شق من الطفوله

ومفيش أجمل من الطفوله

ويعتبر جزء لا يتجزأ عن منتدانا

وعضو ليس بالجديد أيضا

وبدرجة مشرف على قسمه الأكاديمى

وجميع تفريعات القسم بالمنتدى

هاه

عرفتوا مين؟؟؟!!

خلصنا يا عم

اوكيشين

حااضر حاضر حاضر

ضحيتنا النهارده

هو



































البشمهندس وليد

Flying_baby



يلا بقى أحضر وبان

وكل اللبان

ولا تراجع ولا إستسلام

ونبدأ المارثون




الدور الدور الدور الدور موعوده يا اللى عليكى الدور