كرسى الإعتراف على الطريقة الهندسية (أرشيف)

**الحبار**

تذكير بمساهمة فاتح الموضوع :

السلام عليكم ورحمة الله وبركاته

هنيئا ومباركا عليكم الإنتهاء من إمتحانات نصف العام "يناير 2009" والتى

تمت بها "بسترة عقولنا" وأصبحت تعتريها شبه رعشه وعطل فنى لما تكبدته

من أهوال ومفاجآت الإمتحانات التى عادة ما نحياها بتكرار الإحساس بها وبديمومة الحياه نحن

معشر المهندسين والتى أتمنى لكم بها المزيد من التفوق والنجاح والصمود لما هو آت وهيهات الهروب منه.

أطرح على أعين سيادتكم لعبة "أو شبة لعبه "ليست بالجديده بل إنها منتشره بالكثير والعديد والطائل من المنتديات

والتى يمارسها جمهور غفير من أعضاء المنتديات والتى تستقطب الكثير والكثير من الأعضاء نظرا لطلاوتها وجمال

فكرتها الأساسية.

لن أطيل عليكم أخوتى فهى لعبة "كرسى الإعتراف" والتى سنبدأ بممارستها فى هذا الموضوع والهدف الأساسى منها

كشف الغطاء عن الكثير من الأعضاء وإبراز الشخصيات بمنتدانا وتداول الأفكار والتعامل من منطلق سرعة البديهه

وذكاء السائل والمجيب بالإضافه إلى إضفاء روح المتعه والتشويق للمنتدى وكما أسلفت ذكرا بأننا خرجنا من معصرة

الإمتحانات ولا سبيل لدينا سوى القليل من الترفيه المسموح به دون خرقا للقوانين أو مضايقة الآخرين أو الإسفاف

فى الفكرة والتطبيق.

اللعبة لمن لا يعرفها وبالطبع سنضفى عليها الطابع الهندسى الذى دائما

ما نتميز بها عن الآخرين "وإن كانت لا تختلف كثيرا عن المتداوله"

أولا يتغير إسم اللعبه من كرسى الإعتراف إلى"كرسى الإعتراف على الطريقة الهندسية "وذلك حتى لا نشابه أحدا

أو نضاهى منتدى آخر.

ثانيا يتم إختيار عضوين إسبوعيا "وليكن يوم الأثنين والخميس من كل أسبوع فى الساعة التاسعة مساءا "على أن يتم

الإختيار الضحية "الشخص الذى سيسأل" عن طريق الإقتراع "فى حالة كثرة المشتركين معنا باللعبه" أو بالإختيار

فى حال قلة عدد المشاركين"أو الترشيح من قبل الأعضاء وآخذ الأصوات على أن يتم إعلام الضحية بدوره فى اللعبه

وضرورة متابعته لها".

ثالثا من حق كل عضو أن يسأل هذا الشخص خمسة أسئله يوميا "قابلة للزياده والنقصان" ويفضل عدم الإكثار لليوم

الواحد فيوجد أيام أخر وأن يترك المجال للآخرين لإتاحة فرصة السؤال للجميع.

رابعا يتم السؤال فى أى شىء للعضو دون المساس أو التطرق للأمور الشخصيه جدا أو ذكر شخصيات عامه أو أفراد بعينهم وما دون ذلك فمسموح به.

خامسا على الشخص الذى تم إختياره التواجد خلال هذا الأسبوع والدخول للموضوع يوميا والرد على أسئلة الأعضاء وإستفساراتهم"على ألا تتعدى فترة الغياب 36 ساعه "وإلا سيتم إلغاء دوره وينتقل إلى شخص آخر ويحرم الغائب من اللعبه.

سادسا يفضل عدم إرسال مشاركتين متتاليتين إلا للضروره القصوى وذلك حتى لا يتضحخم الموضوع دون فائدة

واضحة.

سابعا بعد إختيار العضو "الضحيه" وإبلاغه يرسل بالموضوع ردا ..مشاركه يعنى ..تحتوى على قسم نصه

"والله العظيم لأقول الحق" وذلك حتى لا يتم التلاعب بالإجابات والتذكر دائما بأن الحق لا مفر منه وحتى تصبح اللعبه

صادقه وبعد ذلك يبدأ بالإجابه كما يحلو له.

ثامنا يمكن سؤال العضو عن إسمه الشخصى فقط وقسمه بالكلية فقط أما أكثر من ذلك فلا وإن أزاد العضو فمنه أما

غير ذلك فهو ممنووووووووع .

تاسعا يوضع إسم العضو بالبوابة "من عليه الدور" لسهولة الإتصال

ولمعرفة مين عليه الدور وتسبقه عبارة "الدور الدور الدور الدور..موعوده ياللى عليكى الدور"

ويضاف ببيناته أيضا أنه من عليه الدور.

عاشرا التعامل يكون من منطلق الزماله وروح الدعابه الجميله حتى لا تصبح اللعبه ممله وتؤتى ثمارها والتى أسلفت

ذكرها من معرفة الشخصيات وإضفاء جو من المرح وتكوين أسره واحده نتعامل من خلالها كما ينبغى

ولنبدأ على بركة الله

يلا بقى مين عليه الدوووووووور

ومين هيلعب ويشترك معااناااااااااااا

؟؟؟؟؟؟؟؟؟

اقتباس:
تم التعديل إلى عضوين بالأسبوع الواحد يومى الأثنين والخميس الساعة التاسعه مساءا

فهرسة الأعضاء اللى قعدوا على الكرسى بروابط أسئلته

miss Egypt

Eng Godzella

Fatma

Eng Hossam

Princess

Eng Ghost

gumus

YeHi@$MmZ

Terminator

Miss Esadora

edbs

بنت مصر

flying baby

Crazy Girl

MIDO

Miss_R

Saso al safrota

Love to life

Professor

Leave Me alone

الحبار

أحمد سيد

إهداء الكاشف

Marawan elkhateb

ShimZ

Hello 1990 !!

**YeHi@$MmZ**

انا عندى سؤال للباشمهندسة فاطمة واحد بسسسسسس
بعد ملايين الأسئلة اللى اتسالت دى الله يكون في عونك

ايه السؤال اللى كنتى قلقانة ان حد يسألهوولك والحمد لله ماحدش سألهوولك ؟

قولى لنا ع السؤال بس ومش شرط تقولى ع الإجابة _
الإجابة اجبارية _ وماينفعش فيها

مفيش سؤال محدد

لو لم أكن مصرياً لوددت أن أكون مهندساً

القبطان

السلام عليكم

اقتباس:
1/إيه اللى بيجدذبك فى الأفلام الهندى بالذات؟

تمثيلهم كويس جدا يعنى بصدهم وبندمج معاهم _ رومانسيتهم الزايدة

نفهم من كده أنك رومانسيه!!!!!

اقتباس:
6/هل أنت غيوره؟

قصدك غيورة من وللا على
</FONT>

الأثنين يا بشمهندسه؟؟

اقتباس:

10/يا تري ممكن ترضي بزوج اقل منك درجه في العلم حتي لو كان جاهل او معاه دبلوم مثلا؟

بصراحة لا

شكرا على الصراحه ولكن ممكن نعرف السبب؟؟؟وممكن ترفصيه حتى لو كان مثقف وبيقدرك ومركزه كويس وزى ما بيقولو ا "بن حلال وشاريكى" أو معاه شهاده بس للأسف أو لحظه السئ مش موازيه لشهادتك؟؟؟

اقتباس:

11/بحكم انك بنت ممكن تتأخري خارج المنزل للساعه كام ؟

لو لوحدى 8 لو مكان بعيد و9 تقريبا لو المكان قريب

بس أنتى مهندسه وممكن ظروف شغلك تقعدك بره أكتر من كده لأى ظرف طارئ فى الشغل؟

اقتباس:

13/لو جالك عريس ايه اول سؤال تسأليه فيه وليه؟

بيشتغل ايه كسؤال مبدئى قبل التفاصيل

</FONT>طاب ممكن نعرف باقى التفاصيل؟وما هو أهمها عندك؟

اقتباس:

14/يا تري بتحبي تحكي اسرارك لأشخاص معينين منحتيهم ثقتك ولا لا ؟

اكيد ايوة _ انا ليا اصحابى اللى بثق فيهم وبحكيلهم كل حاجة

طاب لو فى يوم من الأيام " لا قدر الله" فقدتى ثقتك بأحدهم هتعملى أيه وهل هيكون ليها تأثير على ثقتك بالأخرين؟

2
اقتباس:
0/لو طلبوا منك تقدري مهرك تقدريه كام ؟

دى مش خصوصياتى اللى احب اتكلم فيها دة شغل الكبار

يا ريت يا بشمهندسه متتهربيش من السؤال السؤال صريح جدا ؟ ولو حتى بأفتراض أن الكبار أخذوا رأيك ؟؟ تقدريه كام ؟؟؟؟؟؟

اقتباس:

23/يا تري البشمهندسه جربت الحب ؟

انا اسفة يا بشمهندس ارفض الاجابة على مثل هذه الاسئلة

طبعا من حقك يا بشمهندسه الرفض ولكنى لأ ارى أن السؤال عادى جدا وغير جارح خصوصا لما يتسأل لوحده متعلمه ومثقفه زي حضرتك!!!!

اقتباس:

26/هل تحبين الرسم المدني ام لا ؟

بصراحة مش لحد دلو قتى مش عارفة عندى اضطرابات فى الموضوع دة

طاب السؤال بطريقه أخرى :هل مستواكى كويس فى الرسم المدنى كماده فقط؟

اقتباس:
27/لو قالولك في البيت جايلك عريس وانتي لسه في الكليه هتتصرفي ازاي ؟

زى ما يقول اهلى

</FONT>
حتى لو كان مثلا مش متعلم أو مش فى مستوى تعليمك أو سنه مش مناسب ليكى أو يوجد به أى سبب لترفضى الأرتباط به؟ومن أولها بلاش مقولة " اهلى أكيد عارفين مصلحتى فين"

اقتباس:

28/هل بتحبي الجلوس في كافتيريا الكليه ؟

استحالة اعملها

هل هذا عموما؟ وممكن نعرف السبب؟ وهل البشمهندسه تعتقد أن الجلوس على الكافتيريا جريمه تستحق العقاب أو لا تغتفى أم هى ممنوعه فقط للبنات؟

اقتباس:

30/ما هو رأيك في أتحاد الطلاب بداية من رئيس الأتحاد الي الأعضاء ؟

بصراحة مش شايفاهم _ واصلا معرفش مين رئيس الاتحاد والاعضاء ما اعرفش منهم غير اربعة

طاب كدا أنتى بتنقدى نفسك ازاى انت مشتركه فى اسره وبتشاركى فى الانشطه ومتعرفيش رئيس الاتحاد مع العلم بانه فو نفسه امين لحنة الاسر وبيكون جنبا لجنب مع اى نشاط سؤاء داخل الكليه او خارجها وكمان هو مشترك معانا على المنتدى وبيرد على أستفسارات زملائه دوما!!
وأعتقد ان تصريحك بانك متعرفيش رئيس الأتحاد أصلا دى مبالغه بلا حدود.
وهتى لو مش عرفاه ده تقصير منك أولا وتقصير من الاسره المشتركه فيها ثانيا.

اقتباس:
31/هل تحبي ان يناديك الغير ب "يا بشمهندسه فاطمه " أم "يا أم فلان " أم ب "مدام فلان "؟

يا بشمهندسة طبعا
</FONT>

أشمعنا !!!!!!!!!!!!!!!!!!!!

اقتباس:
البشمهندس الحبار لفت نظرى لانه بصراحة عامل مجهود جامد ربنا يحرسه من العين

امين يا رب وربنا يكرمه ويوفقه ويشوف المنتدى بيكبر يوم ورا يوم أمام عينيه.

اقتباس:

بصراحة بقول انى اسئلتك غريبة جدا وواخدة جانب غريب من حياتى ومش عارفة هتفيدك بايه.

أسف جدا يا بشمهندسه لو كانت اسئلتى فيها شئ من الغرابه بالنسبه لكى وكمان لو فيها رزاله تجاوبى على الأسئله دى كمان.

1-ما هو النميز من وجهة نظرك وكيف يمكن تحقيقه ؟

2-ما هو برأيك مقياس النجاح؟

3-ما هى خطتك المستقبايه بعد التخرج؟

4-متى بدأت علافتك بالأنترنت؟

5-كيف تعرفتى على المنتدى؟ هل أكتشفتيه بنفسك أم من أحد أصدقائك أم بطريقه أخرى؟

6-هل تنظمين وقتك أم تقضيه بطريقه عشوائيه؟

7-هل تحبى الليل أكثر أم النهار ؟ولماذا؟

8-ما هى أنت من هواة قراءة الجرائد ؟وإذا كانت الأجابه نعم أى الجرائد تحبيها أكثر؟

9-هل أنت من مؤ يدين مقولة" الأختصار عباه" ؟ أم تحبى الأختلاط بالأخرين؟

10-هل تحبين الأحلام ؟أم تفضلى أن تعيشى الواقع فقط؟

11-هل أنت من هواة الأفلام او المسلسلات أو تميلى إلى سماع البرامج التلفزيونيه أكثر ؟

12-هل تحبين القصص الخياليه أم تميلى إلى الواقعيه أكثر؟

fatma

منوره يا بشمهندسه فاطمه و يارب متكونيش زهقتي منـنا
ميرسى يا بشمهندس حسام _ اكيد طبعا مزهقتش منكم بس تعبت شوية

1- أيه أشد عقاب اتعقبتي بيه وانتي صغيره ؟ و أيه كان السبب؟( لو مينفعش انك تقوليه مفيش مشكله)
اضربت من ماما قدام الناس فالموضوع كان محرج جدا بس كنت صغيرة جدا والسبب انى اتاخرت فى مشوار

2- هل بتتعلمي من اخطآك ولا بتغلطي نفس الغلط اكتر من مره؟

بحاول ابتعلم من اخطائى ومكررهاش

3- هل انتي جيده في حل مشاكل اصدقائك ؟

الى حد كبير اه

4- هل تعرضتي لأي موقف محرج من اي نوع؟ لو فيه اذكريه؟ ( طبعا لو مش عاوزه مفيش مشكله برضو؟)

اكيد اتعرضت لمواقف محرجة _ زى مثلا اطردت من السكشن بسبب الة وانا مبحبش المواقف دى خالص

5- هل انتي كتومه لأحزانك ولا مش بتعرفي تخبي؟

لا كتومة _ بس ببين لاصحابى س علشان افضفض معاهم

6- اذكري بإيجاز رأيك ف أسوان و ناسها؟؟؟
اسوان بلد جميلة جدا والطبيعة فيها رهيبة _
و نشوفك علي خير إن شاء الله [/size][/quote]

fatma

يا بشمهندسه إزاى الناس كلها وأنا وأصحابك والعالم كله مش بيفهمك أو بيفهموكى غلط !!!
شوفى لو إحنا فعلا مش بنفهمك يبقى فيه قصور فى لغة الحوار عندك ودى حاولى
تصلحيها بكثرة القراءه والتعرض لمواقف تجيدين منها إيصال الفكرة وتتدربى على
لغة الحوار زى "الباثووى" مثلا.
يا بشمهندسميمكن يكون فى قصور فى لغة الحوار عندى زى ما حضرتك ما بتقول معلش اغفرى الموضوع دة بس مين قال لحضرتك انى الناس كلها بتفهمنى غلط

ولو ذكاء منك كهروب من سؤال فاعتقد كل اللى حواليكى متعلمين وأذكياء برضو
فلو قدرتى تنفذى الحكاية دى مع شخص أو اتنين هتفشلى بالتأكيد مع البقية لذلك
لا توهمى نفسك بأنك غير مفهومه أو وجهة نظرك لا تصل للآخرين أوأذكى منهم
أيضا.
انا عمرى ما قلت انى اذكى من حد ولا قللت من قدرات اى حد وانا مبهربش من الاسئلة لانى لو عايزة اهرب من الاسئلة هشترك ليه من الاول انا كل اجاباتى كانت صريحة ومفيهاش لف ولا هروب وانا قلت انى ممكن اكون مقدرتش اوصل كلامى كويس

ولو علطول وجهة نظرك لا تصل للآخرين إذن وجه القصور عندك أنتى فيا ريت تحاولى
تصلحى الأمر ده عشان تكراره مش كويس علشانك شخصيا.

انا بتفهم من الناس كويس واعتقد انى مش اول مرة اتكلم مع حد

لاحظى كمان إنى تكرار إتهامك للآخرين بعدم فهمهم ليكى يعتبر تجريح ليهم وإنك
شخص منعزل أو شخص من ذوى القدرات العقلية الخاصة وده هيؤدى إلى إتهامك
بالغرور والإنعزالية والإنطواء والتكبر وهذه التهم التى ربما لم تكن فيكى وده هو
كلام الناس اللى أنتى خايفه منه ورددتيه كذا مره فكده أنتى ظلمتى الناس ويمكن
يبقى العيب فى داخلك.

انا اسفة اذا كنت اضايقت من كلمتنى بس انا قلت الكلام دة لانى معتقدش انها كلمة جارحة لانى عمرى لحد انت مش فاهمنى او مش فاهم اقصد ايه اتضايق او حس بتجريح
ولاحظ حضرتك انى كلامك فى اهانة جامدة جدا انا مقبلهاش واذا كنت حضرتك بتعتبر كلمة مفهمتنيش اهانة يبقى حضرتك تقول ايه فى كلمتك بذوى القدرات العقلية الخاصة واتهامى بالغرور والتكبر

محاولة إعطاء وجهة نظر واحدة ده أفضل شىء يعنى أبيض يا أسود مينفعش
وسط أو خليط ومزيج من الألوان لذلك لما بتتسألى سؤال غريب للأسف
بتردى بأنه غريب مع إنك ممكن ببساطه شديده تغيرى مجرى السؤال
أو تجاوبى عليه طبيعيا وإدعاء الغرابه يمكن ده عندك بس وممكن الغرض
من السؤال الغريب إكتشاف بعد من شخصيتك وصبرك وأسلوبك فى الكلام
"أومال إحنا عاملين المسابقة لييية عشان نعرف الشخصيات أكيد" لذلك
يا بشمهندس انا لما بقول انى السؤال غريب انا بعتبر انى بتكلم مع الشخص اللى حط السؤال بانى شايفة انى السؤال غريب ومبنكنش دى اجابة السؤال لانى بجاوب بعد كدة واعتقد انى حضرتك شفت دة وانا مفيش سؤال مجوبتش عليه

سؤالى كالتالى وده آخر سؤال:

هل كلامى ده مقنع؟؟أو يمثل قيمة معينه بالنسبالك؟؟وأنتى إيه أهدافك فى الحياة؟؟
ولما توصلى مثلا لخمسين سنه إن شاء الله نفسك حياتك تبقى عامله ازاى؟

اعتقد الاجابة على السؤال انا قلتها من قبل ما اقراه فى كلامى اللى قبله _ معلش مع احترامى لحضرتك انا مش مقتنعة باللى حضرتك قلتهولى وياريت متعتبرش دة برده تجريح
_اهدافى انى اكون ناجحة فى حياتى العملية والاجتماعية _ ولما اوصل لخمسين سنة كل اللى اتمناه انى حياتى تبقى مستقرة مهما كانت صورتها

fatma

أهلا يا بشمهندس يحيى

ايه السؤال اللى كنتى قلقانة ان حد يسألهوولك والحمد لله ماحدش سألهوولك ؟

الحقيقة السؤال اللى كنت قلقانة منه اتسال فعلا وهو سؤال البشمهندس القبطان وانا كنت قلقانة لانى مبحبش اتسال الانواع دى من الاسئلة مش لانى خايفة من الاجابة بس دى حاجات مبحبش اتكلم فيها_ والسؤال كان ( هلى جربتى الحب قبل كدة )

**الحبار**

أنا آسف لأنى كان غصب عنى !!

أتاخرت فى الخروج شويه وعن موعد اللعبه المحدد

بس مش عارف مين هو اللى هيقعد فى المره دى؟؟!!

محدش يعرف يا أخوانا يقولنا؟!!

طيب حد يعمل إتصالاته طيب!!

طيب مجتش فى الجزيرة ؟!!!

طيب أقولكم أنا وخلاص

هوه واد راجل جدا

إقتحم القلوب دون سابق إنذار

وجزء لا يتجزأ من منتدانا

وبرتبة مراقب عام كمان

وواد كله حب وشقاوه

والمورد الرئيسى للحب بالمنتدى

أعتقد إنكم معرفتهوش

صح ؟!!!!!!!!!!

الضحيه الجديده هو

هو

البشمهندس حسااااااااااام

Eng HOSSAM

يلا بقى يا مان

حضر نفسك

وفضيلنا نفسك على الآخر

عشان عاوزينك تبعبع كل اللى عندك

ومتخفش يا سيدى هبقى حونين عليك

وتبدأ الأسئله بعد الساعه التاسعه مباشرة

حتى يوم الأثنين القادم

الدور الدور الدور الدور موعوده يا اللى عليكى الدور

Hello 1990 !!

**الحبار**

اقتباس:

انا اسفة اذا كنت اضايقت من كلمتنى بس انا قلت الكلام دة لانى معتقدش انها كلمة جارحة لانى عمرى لحد انت مش فاهمنى او مش فاهم اقصد ايه اتضايق او حس بتجريح
ولاحظ حضرتك انى كلامك فى اهانة جامدة جدا انا مقبلهاش واذا كنت حضرتك بتعتبر كلمة مفهمتنيش اهانة يبقى حضرتك تقول ايه فى كلمتك بذوى القدرات العقلية الخاصة واتهامى بالغرور والتكبر

شفتى فهميتنى غلط إزاى
بالعكس عمرى ما بضايق من النقاش وآخر حاجه أعملها إنى أزعل وفعلا فيه جزء
كبير من كلامك صحيح ده سواء أنا عاوز أو مش عاوز بس الناس مش زى بعضها
وتفكريهم مش زى بعضه ومختلفين زى صوابع إيديكى بالظبط وأنا حبيت أنبهك للحاجه
دى كنوع من النصحيه او تحت أى مسمى ومن حقك تقبلى ده أو ترفضيه وده شىء
ميزعلنيش إطلاقا.

بخصوص الإهانه فدى نقطه حضرتك فهمتيها غلط جدا أنا كنت بقول لو مكنتيش كذا
هتبقى كذا ولو كذا هيبقى كذا يعنى كذا إختيار وكذا حاجه قولتها وقولت بالظبط لو أنتى
أصبحتى ذو عقل خاص بيكى أو إنفردتى برأيك الناس هتنظر بأنك مغروره ومتكبره
فده سبب ونتيجة يعنى لو معملتيش السبب مش هيبقى فيه نتيجة إنما الإهانه لما أقولك
يا بشمهندسه فاطمه يا مغروره يا متكبره يا كذا ويا كذا ....إلخ

فهمتينى؟؟!!

أتمنى إنك متكونيش زعلتى أو إتعصبتى لأننا أخوه هنا وبندور فى فلك الزماله ودى
مجرد لعبه ومجرد سؤال ومجرد إجابه بمعنى إنها كله أشياء مجرده متستحقش الزعل.

والله الموفق

Hello 1990 !!

**الحبار**

تساؤلاتى لحوسام:

1/إسمك إيه يا حسام وفى قسم إيه؟؟!!!
2/نفسك تخش أنهى قسم فى كهبره؟؟؟
3/إيه هواياتك يا حسام؟؟؟
4/أنت من أسوان يا حسام؟؟
5/بتحب الهندسة يا حسام؟؟

والله الموفق

Hello 1990 !!

**eng_ghost**

أخيييييييييييييييييييييييييييييييرا

عمونا حساااااااااااااااااااااااااام

علي الله يكون مقلس الكرسي مناسبك

و النهارده بما أنه اول يوم .... مش هتقل

1) انت ايه اغنيتك المفضله ( واحده بس ... فاهم )

2) لو أنت حبيت انسانه وبعد ما أرتحتلها والموضوع ماشي في الجد

كل حاجه اتفركشت و متعرفش حتي ليه .... أوحتي عشان مين

السؤال ...... هتعمل ايه ... وايه الدرس اللي اتعلمته ., مع العلم

أنها أول حب ليك , ولو نفسك أتكسرت صعب جدا تحب تاني ؟؟

3) ايه رأيك في مقولة ما الحب الا للحبيب الاولي ... وهل تعترف بالحب من أول نظره ؟

4) هل ممكن أحلامك تصطدم بالواقع , ولو أتصدمت هتعمل ايه

5) ايه أكتر حاجه بتخاف منها , ولو حصلتلك هتتصرف ازاي ...؟؟؟؟

و كفايه كده النهارده ...... ولنا عوده:bounce: :bounce: :bounce:

ابحث في بلدك الثاني ..
الإجابة في بلدك الثاني ..
ليس البلد الذي أخرجتك فيه أمك للحياة باكياً عارياً ..
ابحث بين قومك الآخرين ..
ليسوا هؤلاء الذين نشأت معهم ولهوت معهم ..
...ابحث في وجوهٍ أخرى ليست كالوجوه التي ألفتها ..
ابحث في قلوبٍ أخرى تجهل عنها كل شئ ..

قد لا أجد من يفهمني أبدآ
وقد أجد من يفهمني لكن حتى ذاك الوقت
سأبقى هنا في مملكتي أنتظر بعيدآ عن كل البشر
علّي ان أجد نفسي كما أحب أن أكون أنا
وليس كما يحب باقي البشر أن أكون
**************

الـلهُـم أنـى أسـالـُكَ الأُنـسَ بـقـربـك ,,,, اللهم أمين

**Eng_HOSSAM**

اااااااااااااااااااااه هو ده ايلي انا كنت خايف منه من اول ما اللعبه اقتحمت المنتدي

و نبدأ ببسم الله الرحمن الرحيم

و الله العظيم اقول الحق يا بيه

اقتباس:

/إسمك إيه يا حسام وفى قسم إيه؟؟!!!

حسام محمد فرج محمد
وقسم كهربا الفرقه الاولي

اقتباس:

2/نفسك تخش أنهى قسم فى كهبره؟؟؟

اتصالات و الكترونيات إن شاء الله

اقتباس:

/أنت من أسوان يا حسام؟؟

بالطبع عزيزي الحبار

اقتباس:

3/إيه هواياتك يا حسام؟؟؟

انا بعشق حاجه اسمها كووووووووووووووووره كوره

بحب النت و السباحه و السفــــــــر

اقتباس:

5/بتحب الهندسة يا حسام؟؟

طبعاااااا بحبها جدااااا و إلا مكونتش دخلت كليتنا العزيزه لأني متعودتش اعمل حاجه مش حاببها

**Eng_HOSSAM**

اقتباس:

1) انت ايه اغنيتك المفضله ( واحده بس ... فاهم )

الأغاني ايلي بحبها كتييييييييير جدا طبعا بس لو واحده تبقي اغنيه انا لك علي طول للعندليب

اقتباس:

) لو أنت حبيت انسانه وبعد ما أرتحتلها والموضوع ماشي في الجد

كل حاجه اتفركشت و متعرفش حتي ليه .... أوحتي عشان مين

السؤال ...... هتعمل ايه ... وايه الدرس اللي اتعلمته ., مع العلم

أنها أول حب ليك , ولو نفسك أتكسرت صعب جدا تحب تاني ؟؟

طبعا هحاول اعرف السبب ولو كان ف ايديا أعمل حاجه انا هاعمل المستحيل عشان

منفترقش ولو مكنش الأمر بإيدينا احنا الاتنين يبقي ده قضاء الله و قدره ولا إعتراض عليه

و أكتر حاجه هاتعلمها اني افكر كووووووووويس اوووووووي قبل ما اخد اي خطوه ف حياتي

عشان مرجعش اندم عليها

بالنسبه لحكايه نفسي تنكسر ف الكلام ده لو هي كانت تستاهل حبي ليها فساعتها هاعمل

المستحيل عشان منفترقش أما لو زي ما قولتلك مفيش فايدة فأنا هانكسر و قلبي هينكسر و كل حاجه

قدامي هتنكسر و صعب بجد اني احب بعدها

ممكن ارتبط بس مش ارتباط بحب

اما لو كانت متستهلش حبي فيبقي انفصالنا احسن

اقتباس:

3) ايه رأيك في مقولة ما الحب الا للحبيب الاولي ... وهل تعترف بالحب من أول نظره ؟

بالنسبه للمقوله فأنا شايف ان الحب الاول ليه طابع خاص جداااااااااا ف حياة اي

شخص وبيكون هو حب العمر ايلي صعب جدااااا انك تحب بعده لو لاقدر الله محصلش

نصيب

عشان كده

انا بأييد المقوله

بالنسبه للحب من أول نظره انا شايف انه مش حب ممكن يكون اعجاب لأنك متعرفش هل هو

هيبادلك بالحب ده ولا لا

و جايز الاعجاب ده يطور لحب بين الطرفين

بس من راي ان الحب بيجي من التعود و مش اي تعود حب طبعا

اقتباس:

هل ممكن أحلامك تصطدم بالواقع , ولو أتصدمت هتعمل ايه

ممكن طبعا بس برضو هارضي بقضاء الله و قدره و مش هاعترض عليه و ده مش معناه اني هارضي بأي حاجه بس

هاعمل ايلي اقدر عليه عشان باقي أحلامي متضيعش مني ومبقاش خسرت كل حاجه

اقتباس:

5) ايه أكتر حاجه بتخاف منها , ولو حصلتلك هتتصرف ازاي ...؟؟؟؟

بخاف من الفشل جدااااااااااااااااا واني محققش ايلي بحلم بيه

ولو حصلي لاقدر الله هابقي اشوف ايه اسباب الفشل ده و احاول اصححها عشان يتبدل الفشل بتمـيــــــز

fatma

الحبار كتب:

شفتى فهميتنى غلط إزاى
بالعكس عمرى ما بضايق من النقاش وآخر حاجه أعملها إنى أزعل وفعلا فيه جزء
كبير من كلامك صحيح ده سواء أنا عاوز أو مش عاوز بس الناس مش زى بعضها
وتفكريهم مش زى بعضه ومختلفين زى صوابع إيديكى بالظبط وأنا حبيت أنبهك للحاجه
دى كنوع من النصحيه او تحت أى مسمى ومن حقك تقبلى ده أو ترفضيه وده شىء
ميزعلنيش إطلاقا.

بخصوص الإهانه فدى نقطه حضرتك فهمتيها غلط جدا أنا كنت بقول لو مكنتيش كذا
هتبقى كذا ولو كذا هيبقى كذا يعنى كذا إختيار وكذا حاجه قولتها وقولت بالظبط لو أنتى
أصبحتى ذو عقل خاص بيكى أو إنفردتى برأيك الناس هتنظر بأنك مغروره ومتكبره
فده سبب ونتيجة يعنى لو معملتيش السبب مش هيبقى فيه نتيجة إنما الإهانه لما أقولك
يا بشمهندسه فاطمه يا مغروره يا متكبره يا كذا ويا كذا ....إلخ

فهمتينى؟؟!!

أتمنى إنك متكونيش زعلتى أو إتعصبتى لأننا أخوه هنا وبندور فى فلك الزماله ودى
مجرد لعبه ومجرد سؤال ومجرد إجابه بمعنى إنها كله أشياء مجرده متستحقش الزعل.

والله الموفق

انشاء الله يا بشمهندس مفيش زعل بس حضرتك اخترت كلام جامد جدا ضايقنى شوية بس برده فى الاخر زى ما قلت احنا اخوات وشكرا على النصايح اكيد هفكر فيها
وبقول للبشمهندس حسام ربنا يكون فى عونك الموضوع متعب شويتين وهتتهرى اسئلة بس لذيذ _ شد حيلك

**YeHi@$MmZ**

حسااااااااااام
اهلاااااااااااا بيييييييييييييكك

الحق أبتدى اٍسال شوية أسئلة

1 ) حسام إزيك ؟؟
:o
2) انت درست ثانوية عامة في مدرسة ايه ؟ وجبت مجموع كام دخلك هندسة ؟؟

3) ازاى شايف الفرق بين الحياة المدرسية والحياة الجامعية ؟

4) علاقتك بقسم الحب و اشمعنى قسم الحب اللى اخترت تبقى مشرف عليه في المنتدى
_ هل أحببت بالفعل ؟ و وماقصة الحب معااك ؟ من غير ذكر أسماء

5) دايماً بشوفك في الكلية فرحاان ومدلللع نفسك ومش شايل أى هم
ياترى انت بتخبى حزنك ولا بتلغيه ولا بتختفى لما تكون متضايق من حاجة ولا مش بتضايق من حاجة اصلااا ؟؟

6) دايماً ع الماسنجر بتغير صورك الشخصية بمعدل 30 صورة في الساعة
وايضاً ع المنتدى _ ايه السبب في كدة _ وياترى دى حاجة تعبر عن شخصيتك ؟

7) مين الشخص اللى صدمك في حياتك وخدت فيه مقلب كبيييييييييييير ؟

8) حتعمل ايه لو قالوا لك عميد الكلية عايز يقابلك بكرة ضرورى ؟

9) فكرك حالياً ايه في مستقبلك وأحلامك لما تتخرج ؟

10 ) ايه الكابوس اللى حلمت به وماتقدرش تنساه ؟

11) لو صحيت الصبح لقيت نفسك وحدك في أسوان _ حواليك المبانى بس فاضية والشوارع مفيهاش حركة _ قولى حتعمل ايه بالظبط فيما لا يقل عن 5 اسطر ؟

12) بتحب الكورة اكتر ولا النت ؟ ولو منعوا عنك النت لمدة شهر حيحصل لك ايه ؟

13) لو جات لك شغلانة في دبى بمبلغ وقدره بشرط انك ماترجعش مصر تانى نهائياااا
وحتبقى ملك في الإمارات _ وليك صلاحية انك تاخد معاك اهلك بس يسكنوا هناك معاك ؟
انت حترضى بكدة ؟؟ ولو رضيت اهلك حيوافقوا ؟

لو نفس حكاية الإمارات وليك صلاحية انك تاخد 5 افراد معاك زيادة على أهلك _ حتاخد مين معاك ؟ وهما حيرضوا ييجوا معاك ؟؟

اوففففففففففففففففففف

بس كفاية أسئلة دى لعبة متعبةةةةةةةةةةةةةة

اوففففففففففففففففففففففف

لو لم أكن مصرياً لوددت أن أكون مهندساً

**shimz**

أهلا بيك يا بشمهندس على الكرسى

نبتدى الأسئلة :

1) ايه أكتر مميزات و عيوب شخصيتك من وجهة نظرك ؟

2) ما رأيك فى نظام التعليم فى مصر ؟ و خصوصا الثانوية العامة و المعاناة التى يعيشها الشعب المصرى كل عام ؟ ما رأيك فى نظام الثانوية العامة الجديد ؟ وهل ترى انه سيكون أفضل من سابقه ؟

3) برأيك لمن ستكون الغلبة فى الانتخابات الاسرائيلية ومن سيشكل الحكومة فى النهاية هل تسيبى لفنى و حزبها أم نيتانياهو و حزبه ؟

4) أيهما تفضل أن تجلس لمدة ساعة أمام الكمبيوتر على الانترنت أم تجلس لمدة ساعة تقرأ فى كتاب ؟

5) ما هى أكتر صفة من الممكن أن تجعلك تكره شخصية معينة ؟د

كفاية كده و لنا عودة

C0rd Aswan

تجرأ على الحلم

miss_esadora

حسااااااااااااااااااااااااااااااام
يا مرحبا
يا مرحبا

بيص انا مش هسالك كتير
لاني مؤمنة بالمنل
يا بخت من زار وخفف

1-ايه تقديرك في اعدادي؟؟؟
2-ايه اول حاجة عجبتك بجد اول ما دخلت الكلية؟؟؟
قول بصراحة حتي لو كانت بنت.....
3-مين الشخص اللي في المنتدي نفسك تشوفه عالطبيعة؟؟؟؟
4-مين اعز اصحابك؟؟؟
ومين اعز صحباتك؟؟؟
5-في حد قاللك انك شكلك فرفور ومدلع قبل كدة؟؟؟؟
هتعمل ايه لو بنت جت قالتلك انا بحبك في حين انك مرتبط بغيرها
هتكسفها ولا هتفهمها بطريقة غير مباشرة؟
ولو حصل في يوم انك سبت اللي بتحبها مين اول واحدة هتدور عليها تاني؟؟؟
هل البنت دي ولا هتدور علي حب جديد خالص؟؟؟؟

6- عندك كام اخ واخت؟؟؟
ومين اكتر اخ او اخت فيهم بتحبو اكتر او قريب من قلبك؟؟؟

7- اسرارك مع مين؟؟؟؟

ومين مش ممكن تديلو سرك؟؟؟؟
.
.
.
.
.
.
.
.
.
.
.
.

كفاية كدة

[center]

عدنــــــــــــــــــــــــــــا
حقاً العمر لا يبدأ من أول صرخة صرخت بها لتوجد على أرض الحياة .. بل يبدأ عندما نعي حقيقة وجودنا
@قمة التحدي ان تبتسم حيت يتوقع دموعك الاخرين@
$$$$